Мәжілісмендер Үкімет басшысына ашық хат жолдады!

Қазақстан Республикасының

Премьер-Министрі

А.Ұ.Мәминге

                                                Құрметті Асқар Ұзақбайұлы!

Мәжіліс депутаттарына, соңғы уақытта, үшінші мегаполис, Шымкент қаласының  тұрғындарынан, жан айқайын жеткізетін хаттар келіп түсуде. Олар, қаланы жаулап алған қайғылы оқиға туралы ел басшылығына жеткізуді сұрап отыр. Пневмония ауруымен байланысты жағдай тұрғындарға қатты қауіп төндіріп, ол туралы жергілікті билік ресми жариялаған статистика мен есептері шындыққа сәйкес келмейтінін айтуда.

Қаза болғандар күн сайын өсіп, науқас адамдарды жатқызудан бас тартатын ауруханалар лық толып кеткен,  ИВЛ аппараттары мен оттегі жетіспейді, омсырайған дәрігерлер, олардың арасында ауырғандар және қайтыс болғандар өте көп, солардың өздері — «бұл инфекцияның өршуіне қала дайын болған жоқ», деп жауап береді.

Ауруханалар толы болғандықтан, дәрігерлер мен медбикелер жетіспейді, көбі үйде емделуге мәжбүр. Бірақ Шымкентте олай жасауға мүмкіншілік жоқ. Дәріханаларда үлкен кезектер қаптады, әлеуметтік қашықтық туралы ешкім алаңдамайды. Препараттар жоқ. Тіпті ең қарапайым парацетамол, аскорбин қышқылын, аспиринді сатып алу мүмкін емес. Антибиотиктермен, инъекцияға арналған ерітінділермен үлкен проблема. Адамдар қаладан Ленгер, Ақсукент, Сарыағаш қалаларына көп шақырым шығып, ауыл дәріханаларынан өмірін құтқаруға қажетті дәрі-дәрмектерін іздеуге, Алматы қаласына туыстарынан тапсырыс беруге мәжбүр.

Дәрі-дәрмектерге сұраныстың өсуіне байланысты олардың бағасы бірнеше есеге өсті. Дәріханалардағы аталған аласапыран, ретсіз бейберекеттік ұзақ уақыт бойы жергілікті биліктің көз алдында орын алып жатыр, ал әкімшіліктің онымен іс жоқ сияқты.

Ал, көптеген адамдар бүгін жұмыссыз отыр. Қызмет көрсету, көлік, сауда, балабақшалардың жұмысы тоқтатылды. Ауруханалар қабылдайды, адамға сену қиын, бірақ еденде де орын жоқ! Жедел жәрдем фельдшерлерінің жан айқайын жеткізуге сөз жоқ.

Жанашыр дәрігердің бірі: оның машинасында күнделікті, адамдар қалай қаза болатынын байқаудан шаршағанын айтты. Жергілікті билік дәрігерлер халық арасында үрей туғызады, деп айыптап, жанжалдан кейін госпиталь үшін қосымша үй-жайларды іздеуге кірісті. Бұл қала әкімдігі басшылығында саяси ерік-жігерінің және төтенше жағдайда шешім қабылдау тәжірибесінің жоқтығын көрсетті.

Президент науқастарды және қарым-қатынастағы азаматтардың басқа да санаттарын коронавирусқа жаппай тестілеуді ұйымдастыруды тапсырғанда, Шымкентте бұл жұмыс пандемиямен күресуге ешқандай ықпал жасап жатқаны жоқ . Адамдар, анализ нәтижелерін апталап күтуде, барлығы өз бетімен кеткен. Қалада ПЦР тестілеуден өту үлкен проблема.

Құрметті Асқар Ұзақбайұлы!

Осы хатпен біз Сізден, Шымкент қаласының медицина саласы құлдырап тұрғанын және мыңдаған ақ халатты жандар мен халықтың жан айқайын жеткізіп отырмыз.

Қаланы құтқару үшін шұғыл түрде сырттан көмек керек. Медициналық дәрі-дәрмектер мен құрал-жабдықтар түрінде гуманитарлық көмек қажет. Үкіметтің беделіне және кең өкілеттігіне сенім артып, сіздің тарапыңыздан жедел әрекет болатынына үміттенеміз.

Құрметпен,

депутаттар                                                                     

У.Қайназаров

Б. Жылқышиев

С.Қаныбеков

Б.Оспанов