Қазақстандағы коронавирус бойынша 8 сәуірдің 21:15 уақытындағы эпидемиологиялық жағдайды ҚР-ның Денсаулық сақтау министрлігі хабарлады.
⠀
Коронавирус індетін жұқтырған тағы 9 адам тiркелдi, Қызылорда облысында — 4 адам, Нұр-Сұлтан қаласында — 1 адам, Түркістан облысында — 1 адам, Шымкент қаласында — 3 адам.
⠀
8 сәуірдегі жағдай бойынша Түркістан облысында коронавирус инфекциясын жұқтырған азаматтар саны – 34-ке жетті.
Атап айтқанда, Ордабасы ауданы, Бадам ауылдық округі, Дербес ауылының 1995 ж. азаматынан вирус анықталды. Ол COVID-19 инфекциясы расталған азаматпен жақын байланыста болған.
Жалпы облыс бойынша Жетісай ауданында – 14 адам тіркелген, оның ішінде 1956 ж азамат 4 сәуір күні қайтыс болған. Сондай-ақ, Кентауда — 5, Ордабасы — 2, Сайрам — 2, Мақтарал — 4, Арыс — 6, Сарыағаш — 1 тұрғыны індетке шалдыққан. Бұл туралы Түркістан облыстық төтенше жағдай штабы мәлімет таратты.
Ал, Шымкент қаласында «COVID-19» инфекциясын жұқтырған 3 жағдай туралы ақпаратты қалалық төтенше жағдай штабы жариялады.
Ауру жұқтырғандардың үшеуі де Шымкент қаласында тіркелді. Барлығы да коронавирустық инфекция жұқтырған адаммен қарым-қатынаста болуына байланысты карантиндік стационарға жатқызылып, зертханалық сынамалар алынған.
ПТР диагностикалық зерттеу қорытындысымен COVID-19 диагнозы нақтыланды.
Біреуі 2006 жылғы бала, екеуі 1967, 1971 жылғы әйел азаматы.
Қазіргі таңда науқастардың жағдайлары қанағаттанарлық. Бекітілген хаттамаға сәйкес тиісті ем жүргізілуде.
Науқастармен қарым-қатынаста болған адамдар анықталып, барлығы медициналық бақылауға алынуда.
Ауру ошақтарында эпидзерттеу жұмыстары, дезинфекциялық жұмыстар жүргізілуде.
08.04.2020 жағдай бойынша қалада COVID-19 коронавирустық инфекцияға шалдыққан 23 адам анықталды.
Осы сағатта Нұр-Сұлтан қаласы бойынша 223 адам, Алматы қаласында – 119 адам, Қарағанды облысында — 55 адам, Ақмола облысында — 43 адам, Атырау облысы — 36 адам, Жамбыл облысында — 45 адам, Шымкент қаласында — 23 адам, Шығыс Қазақстан облысында — 6 адам, Алматы облысында — 10 адам, Ақтөбе облысында — 11 адам, Солтүстік Қазақстан облысында — 25 адам, Павлодар облысында — 1 адам, Маңғыстау облысында — 6 адам, Қызылорда облысында — 76 адам, Батыс Қазақстан облысында — 2 адам, Түркістан облысында — 34 адам, Қостанай облысында — 3 адам, жалпы 718 науқас тіркелді.