Төлеби ауданы әкімінің орынбасары тағайындалды

Төлеби ауданы әкімінің өкімімен, конкурс нәтижесі бойынша Төлеби ауданы әкімінің орынбасары лауазымына Серікбаев Лесбек Әуезханұлы тағайындалды деп хабарлайды Төлеби ауданы әкімінің баспасөз қызметі.

Серікбаев Лесбек Әуезханұлы 1981 жылдың 20 қарашасында Қазығұрт ауданы, Фоголевка ауылында дүниеге келген.
Білімі — жоғары. 2000 жылы экономика және құқық колледжін «салық жөніндегі қаржыгер» мамандығы, 2005 жылы М.Әуезов атындағы Оңтүстік Қазақстан мемлекеттік университетін «экономист» мамандығы, 2010 жылы Халықтар Достығы Университетін «құрылысшы» мамандығы бойынша бітіріп шыққан.

Еңбек жолын 2000 жылы ОҚО СЖБ (сәулеттік жобалау бас басқармасы) Төлеби аудандық шаруашылық есеп бөлімінде техник-сәулетші болып бастаған. 2001-2012 жылдары «Проект АС» ЖШС техник-сәулетші, Төлеби аудандық сәулет және қала құрылысы бөлімінің жетекші маманы, Төлеби аудандық сәулет және аумақта құрылыс салу бөлімінің жетекші маманы, Төлеби аудандық құрылыс бөлімінің бас маманы, Төлеби аудандық құрылыс бөлімі басшысының орынбасары, Төлеби аудандық құрылыс бөлімінің басшысы болған.

2012-2016 жылдары ОҚО Энергетика және тұрғын үй-коммуналдық шаруашылық басқармасы басшысының орынбасары, ОҚО Тұрғын үй-коммуналдық шаруашылық және жолаушылар көлігі басқарма басшысының орынбасары, ОҚО Тұрғын үй-коммуналдық шаруашылық және жолаушылар көлігі басқарма басшысының міндетін атқарушы болып еңбек еткен.

2016-2019 жылдары «Ленгер су» мемлекеттік қазыналық кәсіпорны директорының орынбасары, «Ленгер су» мемлекеттік қазыналық кәсіпорнының директоры, Зертас ауылдық округінің әкімі болып қызмет атқарған.