Түркістан облысының Еңбек инспекциясы жөніндегі басқарма 9 айда атқарған жұмыстарын қорытындылады

2019 жылдың 9 айында Түркістан облысының Еңбек инспекциясы жөніндегі басқарма тарапынан 817 азаматтардың арыз-шағымдары мен мекемелердің хаттары қаралып, олардың барлығына заңмен белгіленген мерзімде жауап берілді, деп хабарлайды басқарма қызметінен.
Оның ішінде, 285 арызға тексеру арқылы жауап берілген болса, 230 – заң талаптары туралы түсіндірме берілді, 81 – тиістілігі бойынша басқа органдарға жолданды, 129 – қарсы арыз негізінде бақылаудан алынды, 92 – бір тексерумен қосып қаралғаны.
Арыз-шағымдардың 36% — жалақы төлеу мерзімінің сақталмауына байланысты болса, 26% — еңбек шартын бұзу, 14% — еңбек демалысын уақытылы бермеу және 5% — жұмыс уақыты нормасын бұзу мәселесін көтерген.
Осы арыздардың негізінде мекемелер мен кәсіпорындарда барлығы 285 тексеру жүргізіліп, нәтижесінде 343 (534) заң бұзушылық анықталды, оның ішінде еңбек қатынастары туралы – 304 (400), еңбек қауіпсіздігі және еңбекті қорғау бойынша – 32 (70), халықты жұмыспен қамту – 7 (64).
Анықталған бұзушылықтардың ішінде 283 (467) жойылды немесе заңға сәйкестендірілді, қалғандарының орындау мерзімі бар.
Анықталған бұзушылықтардың негізінде 177 (326) нұсқама беріліп, еңбек заңнамасының бұзылуы бойынша 5 668 625 (17 857 125) теңге көлемінде 62 (95) айыппұл салынды.
Салынған айыппұлдардың 2 663 875 (7 599 800) теңге көлемінде 54 (57) айыппұл өндірілді. Қалған 8 айыппұлдың мерзімі бар не мерзімінде өндірілмеуі бойынша сот орындаушыларына өткізілген.
2019 жылдың 9 айында басқарма мамандары еңбек заңнамасының сұрақтары бойынша бұқаралық ақпарат құралдарына 33 рет шығып, түсіндіру жұмыстарын жүргізді және 67 рет еңбек заңнамасының талаптарын түсіндіру бойынша ұжымдармен кездесулер, семинар-кеңестер өткізілді.