Қазақстан Республикасының Тұңғыш Президенті-Елбасы Нұрсұлтан Назарбаевтың 2017 жылы Өзбекстан Республикасына жасаған мемлекеттік сапарында екі елдің достастығы мен ынтымақтастығының айқын үлгісі ретінде әріптестік іс-шаралар кешенін нығайту жоспарға қойылған еді. Енді міне, былтыр Қазақстандағы Өзбекстан жылы аталып өтсе, биыл Өзбекстандағы Қазақстан жылы.
«Бұл бастама аясында түрлі іс-шаралар өткізіліп, олар бауырлас халықтарымыздың жақындастығын одан әрі тереңдетуге септігін тигізеді» деді ел басшылары. Осы сапар барысында Өзбекстан Президенті Шавкат Мирзиёев Қазақстан Президенті Нұрсұлтан Назарбаевты «Ел-жұрт құрметі» орденімен марапаттады.
Қазақстандағы Өзбекстан жылын өткізу туралы екі ел басшыларының шешімін жүзеге асыру аясында экономика, туризм, мәдени-гуманитарлық салаларда 200-ге тарта іс-шара жоспарланды. Бұл шаралардың ауқымына қарай олардың біразы 2019 жылы да жалғасын тауып келеді. Осы тұста, Қазақстан халықтары Ассамблеясының Шымкент қалалық филиалының ұйымдастыруымен арнайы делегация құрылып, Өзбекстандағы қазақ диаспораларымен кездесу жоспарланып отыр.
10 қазан күні Шымкенттен Өзбекстан асатанасы Ташкентке жолға шыққан делегация Самарқанд қаласындағы тарихи орындарға да зиярат жасамақ. Делегация құрамында «Айғақ» телеарнасының директоры Мұхтар Серікбаев та бар.
