Түркістан облысының насихаттық топ мүшелері Семей қаласындағы М. Әуезов атындағы педагогикалық колледжінің студенттерімен кездесті. Мақсат — осында «Серпін» бағдарламасымен Түркістан облысынан аттанған студенттердің тыныс-тіршілігімен танысу.
Жалпы екі облыс арасында байланыс орнатуды 2015 жылы «Айғақ» арнасы ұсынған болатын. Колледж директоры Шағанкүл Алдамжарқызы сол кезден бері «Айғақ» телеарнасы және газетімен тығыз жұмыс жасады. Яғни, қажетті насихат жұмыстары газет және телеарна арқылы насихатталып бүгінде екі жақты қажырлы жұмыстарының арқасында Түркістаннан аттанған серпіндіктердің қатары молайған. Ол үшін білім ордасының басшысы ерекше алғысын білдіруде.
