Түркістан облысы әкімінің орынбасары тағайындалды

Қазақстан Республикасы Президенті Әкімшілігінің келісімімен, Түркістан облысы әкімінің өкіміне сәйкес Түркістан облысы әкімінің орынбасары болып Ұлан Тәжібаев тағайындалды.

Ұлан Тәжібаев 1977 жылы Шымкент қаласында дүниеге келген. Әл-Фараби атындағы ҚазҰУ-дың түлегі. Мамандығы – құқық және халықаралық қатынастар. Сондай-ақ, Испанияның Instituto de Empresa (IE) бизнес мектебінде тәлім алған. Еңбек жолын жеке компанияларда заңгер болып бастаған. 2004-2006 жылдары Астана қаласы әкімі аппараты басшысының орынбасары, 2006-2007 жылдары Оңтүстік Қазақстан облысы әкімі аппараты басшысының орынбасары лауазымын атқарса, 2007-2011 жылдары ҚР Премьер министрі бірінші орынбасарының кеңесшісі болып еңбек етеді. 2012-2016 жылдары «Самрұқ-Қазына» АҚ аппаратының жетекшісі, 2016-2018 жылдары «Самрұқ-Қазына» АҚ-ның Басқарма мүшесі және коммуникация және адами әлеуетті басқару басқармасының атқарушы директоры, сондай-ақ, 2018 жылдың 9 ақпанынан бастап «Ұлттық аграрлық ғылыми-білім беру орталығының» Басқарма Төрағасы болса, 2019 жылдың сәуір айынан бастап Түркістан облыс әкімінің кеңесшісі лауызымында абыройлы қызмет атқарып келеді. «Құрмет», «Ерен еңбегі үшін» медальдарының иегері.

«Айғақ-Ақпарат»