Бүгін еліміз Ұлы Отан соғысының аяқталғанына 74 жыл толуын кең көлемде атап өтуде. Түркістан облысы мен Шымкент қаласы да Жеңіс күнін ерекше тойлауда.
Түркістан қаласында мереке «Ер есімі — ел есінде» салтанатты шарасымен басталды. Шарада гүл себеттерін «Мәңгілік алауға» қою рәсімі, мерекелік арнайы концерттік бағдарламамен жалғасын тапты.
Түркістан облысы бойынша бүгінде Ұлы Отан соғысы және тыл ардагерлерінің санына тоқталсақ:
— Ұлы Отан соғысы ардагерлері және оларға теңестірілгендер саны — 12 931;
-тыл ардагерлері — 9445;аудандар мен қалаларда жергілікті бюджеттер есебінен Ұлы Отан соғысына қатысушыларға 100 айлық есептік көрсеткіш мөлшерінде, яғни — 252 500 теңге біржолғы материалдық көмек беріледі.
Ұлы Отан соғысына қатысушыларына теңестірілген азаматтарға 5 АЕК мөлшерінде біржолғы материалдық көмек беріледі;
Ал еліміздің үшінші мегаполисінде «Қажымұқан» атындағы стадионынан «Даңқ» обелискісіне дейін «Батырларға тағзым» шеруінен бастау алды.
Шымкентте ҰОС ардагерлеріне 252 мың теңге біржолғы материалдық көмек берілді. Мегаполисте Жеңіс мерекесіне орай соғысқа қатысқан майдангерлерге 100 айлық есептік көрсеткіш көлемінде, яғни, 252 500 теңге біржолғы матералдық көмек берілді. Ал, оларға теңестірілген және тыл ардагерлеріне 5 АЕК, яғни, 12 625 теңге мөлшерінде біржолғы әлеуметтік қолдау көрсетілді. Сонымен қоса 54 ҰОС ардагерінің үйіне арнайы құттықтап барып, жүз мың теңгенің көлемінде сый-сияпат жасалып, құрмет көрсетілетін болады.
