“Nur Otan” партиясы Түркістан облыстық филиалының кезектен тыс XXXVIII конференциясы өтті. Маңызды жиынға «Nur Otan» партиясы Түркістан облыстық филиалы төрағасының бірінші орынбасары Нұрмаxан Жолдасов, партия ардагерлері, облыстық мәслихаттың депутаттары, жергілікті атқарушы органдары, бастауыш партия ұйымдары мен БАҚ өкілдері қатысты. Күн тәртібінде екі мәселе қаралды. Оның алғашқысы отандық партия төрағасы, Елбасы Н.Назарбаевтың партияның кезекті XVIII съезінде берген тапсырмалары қорытындыланды. Яғни, «Халыққа көмек», «Бақытты отбасы», «Ауыл-ел бесігі», «Құтты мекен» ұлттық жобалары негізінде атқарылған жұмыстар баяндалып, қатысушыларға түсіндірілді. Ал, екінші, ең маңызды мәселе «Nur Otan” партиясының кезектен тыс XIX съезіне делегаттар сайлау.
Баяндамаға байланысты жарыссөзге шыққан конференция делегаттары сөз сөйлеп, «Nur Otan» партиясының кезекті съезіне тізім бойынша ұсынылған делегаттарды ашық дауыс беру арқылы сайлады. Түркістан өңірінен тариxи маңызы орасан съезге қатысушы делегаттар сақадай сай.