Мегаполис жастарына бергені мен ұғындырғаны көп жүздесу және отбасылық құндылықтарды дәріптеуде өмірлік сабақ болған кездесу. Иә, бұрынғылардан тым ерекше кездесудің басты кейіпкері ҚР Парламент мәжілісінің V шақырылымының депутаты Оразкүл Асанғазықызы тағылымды әңгімелерімен бөліскен болатын. Өз сөзін «айналайындарым» деп бастаған қоғам қайраткері, бүгінде қоғамның өзекті мәселесіне айналған ажырасу жайы мен отбасы құндылықтарын айтып, қатысушыларға ерекше әсер етті. Ұлтын ұлықтаған азамат жастарды өз елін-жерін сүюге, мемлекеттік тілде әрқашан сөйлеуге шақырды. Әрбір жасқа рух беріп, отбасының маңыздылығын жастарға ұғындырған бұл кездесу талайға рухани байлық сыйлағаны анық. Оны тапжылмай ұйып тыңдап отырған жастардан-ақ байқауға болады. Мемлекет және қоғам қайраткері Оразкүл Асанғазықызы бар жан-тәнімен жастарға отбасының аман сақтап қалу керектігін және бүгінгі қоғамда әлеуметтік желінің тым ашықтығын тілге тиек етіп, ажырасудың да жиі орын алып жатқандығын да айтты. Өмірлік тәжірибелерімен бөліскен тіл жанашыры бойыңды тулататын әсерлі әңгімелерімен бөлісті.
Оразкүл Азанғазықызы 5 жыл ішіндегі 33 мың жасөспірім қыздың жүкті болғандығын, оның мыңға жуығы жасанды түсік жасатқандығын жан күйдіре айтып, қазақ қызының намысы тапталуына жігіттер қауымының да бей-жай қарамауын өтінді. Шаңырақ көтергеніне көп уақыт өтпесе де, арасын үзіп ажырасып жатқандардың саны артып келеді. Ұлтының болашағына алаңдайтын Оразкүл Асанғазықызы бұл мәселенің шешу жолында өз ұсынысын айтқан болатын. Ажырасудан алдын ақсақалдар алқасынан өткен соң ғана сотқа жүгінуге кеңес берді.
Жүздесуде отбасылық құндылықтардан бөлек тіл мәселесі мен тарих және ұлттың болашағы да тереңінен талқыланды. Шымкент қалалық Жастар ресурстық орталығында өткен жиын «Бақытты отбасы» жобасы аясында ұйымдастырылған. Жаңадан құрылған жобаның мегаполис жастарына берері мол.
