Түркістан облыстық Қоғамдық Кеңесінің Төрағасы болып Өмірзақ Мелдеханов қайта сайланды

Түркістанда Қоғамдық Кеңесі отырысы өтті. Күн тәртібінде жалпы 9 мәселе қаралса, оның алғашқысы ұйымдастыру мәселесі болды. Түркістан облыстық Қоғамдық Кеңес отырысы қайта құрылды. Өмірзақ Пернебекұлы төраға болып сайланды. Қоғамдық кеңес құрамында барлығы 11 адам бекітілді.Осыдан соң тыңдалған мәселе «Облыстық Энергетика және тұрғын үй-коммуналдық шаруашылық басқармасының есебі» болды. Бұл жөнінде Энергетика және тұрғын-үй коммуналдық шаруашылық басқарма басшысының орынбасары Б.Полатбеков баяндама оқыды. Ондағы басты мәселе-тарифтер жайы. Қаншама уақыттан бері тарифтер құны арзандады, дегенмен, ауыз толтырып айтарлық көрсеткіш жоқ. Сондықтан, бұл проблеманың тез арада шешілуі қажет-ақ. Қыруар қаражат бөлінгенмен, нәтиженің жоқтығын қоғамдық кеңеске қатысқандар сынады. Тез арада шешілуі қажет мәселеге, бірігіп шара қолдану ұсынылды. Сондай-ақ, «Субсидияланатын тұқымдардың нормалары мен шекті бағаларын бекіту туралы» Түркістан облысы әкімдігінің қаулы жобасы жайымен Түркістан облысының ауыл шаруашылығы басқармасының басшысы Н.Бадырақов таныстырды. Оның мәлімлеуінше, 2019 жылға «Тұқым шаруашылығын қолдау» бюджеттік бағдарламасы бойынша облысқа 706 125 мың теңге қаражат бөлінген. Аталған қаулы жобасын қабылдау отандық ауыл шаруашылығы тауарын өндірушілерді қолдауға, өсімдік шаруашылығы өнімінің өндірісін ұлғайтуға және сапасын арттыруға мүмкіндік береді.Ал «Асылтұқымды мал шаруашылығын дамытуға мал шаруашылығының өнімділігін және өнім сапасын арттыруға субсидиялар көлемдерін бекіту туралы» 053 бюджеттік бағдарлама бойынша мал шаруашылығы өнімділігін және өнім сапасын арттыруды субсидиялауға 8 000 000,0 мың теңге қаржы бөлінген. Асыл тұқымды мал шаруашылығына 3 636 950,0 мың теңге ал, мал шаруашылығының өнімділігін және өнім сапасын арттыруға 4 363 050,0 мың теңге қаралған.

Түркістан облыстық Қоғамдық кеңес отырысында қаралған бұдан өзге мәселелер тыңдалып, талқыланды. Және маңызды басқосуға қатысқандар бірауыздан қолдау білдірді.

«Айғақ-ақпарат».