Өмірзақ Шөкеев: Тұрмысы төмен отбасындағы балаларды кәсіпкерлікке тартуымыз керек

«Нұр Отан»партиясы мұқтаж жандарға әлеуметтік көмек көрсетуге ғана бағытталмай, барша қазақстандықтың лайықты өмір сүруі үшін жағдай жасалатын тиімді және әділетті әлеуметтік саясаттың іске асырылуын көздейді.

Үкіметпен бірге «Бақытты отбасы» партиялық жобасына бастамашылық жасап, іске асырылмақ.  «Нұр Отан»партиясы азаматтардың негізгі мұқтаждықтарын қамтамасыз етіп қана қоймай, оларға еркін демалуға, әлеуметтенуге және дамыған елдердің стандарттарына сай келетін қоғамдық кеңістіктер құруға мүмкіндік беру керек деп санайды. Сондықтан, Елбасы тапсырмаларының Түркістан облысында жүзеге асыру бойынша нақты жоспарлар  түзілгендігін айтқан облыс әкімінің орынбасары Ербол Садыр атқарылатын негізгі мәселелерге тоқталды.  Партия Үкіметпен бірлесіп «Құтты мекен» партия жобасын іске асыратын болады, ол азаматтарымыздың өмір сүру сапасын жан-жақты арттыруға бағытталмақ. «Ауыл – Ел бесігі» жобасы да көптеген мәселелердің шешілуіне жол ашпақ. Алқалы жиында сөз алған 14 бала тәрбиелеп, өсіріп отырған көп балалы түркістандық ана Түймегүл Ергешқызы Елбасының тапсырмалары толқытқандығын жасырмады. Бұл тапсырмалардың — ел сеніміне ие болған «Нұр Отан» партиясының қадағалауымен жүзеге асатындығына ерекше сенім білдірді.Сондай-ақ, «Қайып ата» ЖШС-нің директоры Сырым Ертаев та мінберден сөз алып, съезд туралы өз пікірін білдірді. «Ауыл — ел бесігі» бағдарламасын жүзеге асыруға өз үлесін қосатындығын сеніммен білдірді. Айта кетейік, «Қайып ата» ЖШС —  республикада ет экспорты бойынша бірінші орын алған. Ал, жиында қорытынды сөз алған Түркістан облысының әкімі Өмірзақ Шөкеев араға 10 жыл салып, оңтүстік жұртымен қайта жүздескеніне өз ризашылығын білдірді. Атқарылатын жұмыстарға одан да жоғары темп беретіндігін айтты.«E-gov» халықтық ақпараттар 1 сәуірге дейін барлық елдімекендерге орнатылуы тиіс. Аудан-қала әкімдері төмен жалақы алатын мемлекеттік қызметшілердің тізімін жасақтап, облыстық бюджет басқармасына тапсыруы тиіс.Өмірзақ Шөкеев Елбасымыз ұсынған бағдарлама бойынша нақты ұсыныстар қажеттігін айтады. Тұрмысы төмен отбасындағы балаларды кәсіпкерлікке тартуымыз керек. Тұрғындармен жиі кездесіп, олардың жағдайын қадағалап отыру — әкімдерге тапсырылды. Елмен етене араласу керек, әкімдер мен басқарма басшыларының жұмысы жүйелі қадағаланатындығын ескертті.

«Айғақ-ақпарат».