«Ана — өмірдің шуағы»

Түркістан облысының əкімі Өмірзақ Шөкеев өңірдегі аналарды қабылдап, ақ дастархан жайды. Əкімдік қызметке кіріскен алғашқы аптада — ақ өзінің іскерлігімен көзге түскен білікті басшы бүгіннің өзінде екінші басқосудың өткізілуіне сеп болды. Алдымен Түркістан қалалық мəдениет үйінде «Нұр Отан» партиясының облыстық активінде Елбасы тапсырмаларына сəйкес, аудан-қала əкімдері мен басқарма басшыларына тиісті міндеттерді жүктеген Өмірзақ Естайұлы араға сағат салып, аналар қауымымен кездесіп отыр.

«Сіздерді көктемнің шуақты мерекесі Халықаралық әйелдер күнімен шын жүректен құттықтаймын. Батыр да, ақын да, алып та анадан туады. Сондықтан жер бетінде ана туралы тебіренбеген адам, ана туралы жыр жазбаған ақын жоқ. Қазақта «Ана алақанының аясы, Ақ шынардың саясы» деген мақал бар. Әрбір перзенттің парызы – алдымен ана сүтін ақтау, ардақты анаға құрмет көрсету. Кезінде заңғар жазушымыз Ғабит Мүсірепов «Әйел ашуланса жеңіледі, еркелесе жеңеді» деген екен. Әлемді, жерді жарық етіп отыратын екі нәрсе бар. Біреуі – Күн, екіншісі – әйел. Ел аузындағы осы қанатты сөз бүгінгі мерекенің ажарын ашып тұрғандай. Егер әр отбасыда ана бақытты болса, онда тұтас ел бақытты болады! Бүгінгі жылы сөздер де, құрмет те тек қана Сіздерге арналады. Барша ақ жаулықты аналарымыз бен қыз-келіншектердің отбасына амандық, жұмыстарына береке тілеймін. Жүздеріңізден күлкі, жүректеріңізден махаббат, көңілдеріңізден шаттық пен қуаныш кетпесін! Мерекелеріңіз құтты болсын!», – деді облыс әкімі Өмірзақ Шөкеев. 

Барлық саны 264 «Алтын алқа», «Күміс алқа», көп балалы аналар бүгінгі жиынның төрінен орын алды.

«Айғақ-ақпарат».

Суреттер: Түркістан облысы әкімінің баспасөз қызметінен