«Нұр Отан» партиясы «Халыққа көмек» жобасын іске асыруға кірісті

“Нұр Отан” Партиясының XVIII съезінде Елбасы xалықтың әл-ауқатын жақсарту үшін Ұлттық қордан ақша бөлу керектігі туралы шешім қабылдады. Атаулы көмекке мұқтаждарға, оның ішінде көпбалалы аналар, мүгедек балаларына қарап отырған ата-аналарға беріледі. Осыған орай, «Нұр Отан” партиясы Шымкент қалалық филиалында тақырыптық қабылдау күні өтті. Тұрғындардың бұл күнгі арыз-шағымын “Нұр Отан” партиясы Шымкент қалалық филиалы төрағасының бірінші орынбасары Бахадыр Нарымбетов және Шымкент қалалық мәслихат хатшысы Ғани Ташқараев қабылдады.

Азаматтардың әл-ауқатын арттыру — мемлекеттің маңызды басымдығы екенін ескере отырып, “Нұр Отан” партиясы «Халыққа көмек» жобасын іске асыруға кірісті. Мұнда, қоғамдағы өзекті мәселерге дер кезінде үн қатумен қатар азаматтарға құқықтық кеңес беру үшін қалалық филиал ғимаратында «Бірыңғай әлеуметтік терезе» жұмыс жасауда. Бүгінгі күнге дейін 1000 жуық азаматтарды қабылдап, мәселелерін шешуге ықпал етіуде.
Ал, бүгінгі қабылдауға 12 адам жазылған екен. Олардың көбі әлеуметтік мәселе бойынша келген. Нақтырақ айтсақ, баспана, мемлекеттік көмек алудың проблемаларын басшылармен бірге шешуді көздейді.
Партия тарапынан көмек сұрап келген xалыққа тиісті жауаптар берілді.

«Айғақ-ақпарат».