Әрбір қазақстандық отбасының бақуаттылығы — басты міндет. Еліміздегі 340 мыңдай отбасының төрттен көп баласы бар. Мемлекет қазынасынан жыл сайын көпбалалы отбасыларға қолдау көрсету үшін 500 миллиард теңгеден аса қаражат бөлінеді екен.
«Бұл отбасылардың табыс деңгейі әртүрлі. Кейбіреуінің жақсы табысы бар, ал кейбірінің табысы аз, сол отбасыларға біз көмек көрсетеміз, осыны ескеру қажет. Миллионерлерге мемлекеттен тағы да әлеуметтік қолдау көрсетудің қажеті не? Бірінші кезекте мемлекет табысы аз отбасыларға көмектесуі қажет. Қазақстандықтардың болашағы ғана емес, бүгін күнде де бақытты болғанын көргім келеді», — деді Елбасы. 
«Нұр Отан» партиясы мұқтаж жандарға әлеуметтік көмек көрсетуге ғана бағытталмай, барша қазақстандықтың лайықты өмір сүруі үшін жағдай жасалатын тиімді және әділетті әлеуметтік саясаттың іске асырылуын көздейді. 
Қазақстандық отбасылар мен әйелдерді қолдау.
Бұл бағыттағы кешенді шаралар қазақстандық отбасылардың лайықты әл-ауқаттылық деңгейін жасауды көздейді. Ол:
-
Үкіметпен бірге «Бақытты отбасы» партиялық жобасына бастамашылық жасап, іске асыратын болады;
-
ата-аналарды қаржылық қолдау деңгейі арттырылады;
-
көп балалы отбасыларды қолдау күшейтіледі;
-
кішкентай балалары бар, жұмыс істейтін ата-аналарға көмектесу көзделген;
-
атаулы әлеуметтік көмектің тетіктері жетілдіріледі;
-
гендерлік теңдікті қамтамасыз етіледі
Мүмкіндігі шектеулі адамдарды әлеуметтік жағынан қолдаудың тиімділігін арттыру бағытында инклюзивтілік заманауи мемлекеттің ажырамас бөлігі болып табылады. Мүмкіндігі шектеулі адамдардың құқықтарын толығымен қамтамасыз ету үшін қажетті шаралар барлығы жасалмақ. Ол үшін:
-
«Кедергісіз келешек» жобасын іске асыру жалғастырылады;
-
арнаулы әлеуметтік қызметтер көрсетудің мәлімдемелік қағидатынан нағыз белсенді қағидатына көшу көзделген;
-
әлеуметтік қорғау жүйесі жұмысының тиімділігі арттырылады;
-
мүмкіндігі шектеулі адамдарға әлеуметтік қолдау көрсететін инфрақұрылымды жетілдіріледі;
-
кедергісіз орта үшін қажетті жағдай жасалады;
-
мүмкіндігі шектеулі адамдар үшін инклюзивтік білім алу және одан әрі жұмысқа орналасу мүмкіндіктерін жақсартылады.
-
Зейнеткерлерді қолдау күшейтіледі.
