Әкім болғанына 2 жыл 6 ай болған Жансейіт Түймебаев бүгін депутаттарға алғысын білдірді.
ОҚО әкімі болған тұста ауыз толтырып айтарлық халық игілігіне бірқатар маңызды тірліктерді атқарды. Соның ішінде ел есінде шатқалдарды салуымен есте қалды. Шатқал бағдарлама аясында 400 мың түптен астам жасыл желек егіліп, бір ғана Шымкентте ашылған 5 саябаққа 50 мыңнан астам көшет отырғызылды. Сонымен қатар, Жансейіт Қансейітұлы Түркістан облысының тұңғыш әкімі болуымен тарихта қалды.
Естеріңізге сала кетсек, 19 маусымда Елбасы Нұрсұлтан Назарбаев «Қазақстан Республикасының әкімшілік-аумақтық құрылысының кейбір мәселелері туралы» заңға қол қойған еді. Жарлыққа сәйкес, Шымкент қаласы республикалық маңызы бар қалалардың санатына жатқызылып, Оңтүстік Қазақстан облысының әкімшілік орталығы Шымкент қаласынан Түркістан қаласына көшірілді. Сондай-ақ, Оңтүстік Қазақстан облысы Түркістан облысы деп қайта аталды. Ал, 2018 жылдың 20 маусым күні Мемлекет басшысының Жарлығымен Жансейіт Қансейітұлы Түймебаев Түркістан облысының әкімі болып тағайындалған болатын.
Міне, екі жылдан астам уақыт өзінің жылы жүзімен, кең пейілімен, жайдарлы мінезімен және іскерлігімен халықтың жүрегінен орын таба білген білікті басшы. Күні бүгін сағат 11:30-да тарихта қалған әкім Жансейіт Қансейітұлы Түймебаев Түркістан облысының орталығында облыстың барша депутаттарын жинап ыстық ықыласымен ізгі тілегін жеткізді.
Әкімдер мен басқарма басшыларында ұмыт қалдырмай өзінің жүрек жарды ыстық лебізі мен ризашылығын білдірді.
« Құрметті Алмасбек Мамытбекұлы!
Сізбен облысымыздың әлеуметтік-экономикалық және қоғамдық-саяси өмірінің дамуы жолында қоян-қолтық жұмыс жасағанымыз ұшін Сізге ризашылығымды білдіремін.
Киелі Түркістанның өсіп-өніп, бүкіл Түркі халықтарының рухани ордасы болуына сүбелі үлесіңізді қоса береді деп білемін.
Түркістан облысының дамуы мен өркендеуі жолында маңызды қызметтер баянды болсын.
Өзіңізге зор денсаулық, ұзақ өмір, отбасыңызға бақ-береке, сәттіліктер мен табыстар тілеймін!
Ізгі ниетпен,
Жансейіт Түймебаев »
