«Нұр Отан» партиясының XVIII съезіне Түркістан облысынан 86 делегат қатысады

«Нұр Отан» партиясының қалыптасу және даму тарихы

Қазақстан Республикасының Тұңғыш Президенті Нұрсұлтан Әбішұлы Назарбаевтың есімімен тығыз байланысты. Елбасының кемеңгер басшылығының арқасында партия еліміздегі жетекші саяси күшке айналды. Нұрсұлтан Назарбаев «Нұр Отан» партиясының құрылуы мен қалыптасуының басы-қасында болды. Сондай-ақ, ол партияның идеялық қолдаушысы болып табылады.  

1998 жылдың 21 қазанында Қазақстан Республикасында «Қазақстан Президенттігіне кандидат Нұрсұлтан Әбішұлы Назарбаевқа қолдау көрсету қоғамдық штабы» қоғамдық қозғалысы жұмысын бастады. Сайлауалды кампания кезінде штаб белсенді жұмыс істеді. Сондай-ақ, саяси партиялармен және қозғалыстармен ынтымақтастық орнатты. Аталған жұмыстар барысында белгілі мемлекет және саяси қайраткерлер – С.А.Терещенко, Г.И.Дунаев, Х.Ш.Тақуов белсенділігімен көзге түсті. Дәл осы кезеңде қоғамдық қозғалысты саяси партияға айналдыру идеясы туралы пікірлер айтыла бастады. Осыған байланысты 1999 жылы 19 қаңтарда арнайы отырыс өтіп, онда Қоғамдық штабты «Отан» республикалық саяси партиясы» ретінде қайта құру шешімі қабылданды. Ал 1999 жылдың 12 ақпанында партия Қазақстан Республикасының заңнамаларына сай Әділет министрлігіне тіркелді. Дәл осы дата партияның жұмысы басталған күн ретінде Тәуелсіз Қазақстанның жаңа тарихына жазылды.
2016 жылы 29 қаңтарда өткен партияның кезектен тыс XVII съезінде «Нұр Отан» партиясының «Бірлік. Тұрақтылық. Жасампаздық» атты сайлауалды бағдарламасы бекітілген болатын.

27 ақпанға белгіленген XVIII съезде «Нұр Отан» партиясының 2030 жылға дейінгі бағдарламасы қаралатын болады.  Аталмыш съезге еліміз бойынша 2000-ға жуық делегат қатысады деп жоспарланса, оның 86-сы Түркістан облысынан.

26 ақпан күні елорда төрінде партияның панелді сессияларына қатысқан съезд делегаттары күннің екінші жартысында тарихи-танымдық орындарды да аралап шықты.

Ұлттық мұражайдан бастау алған экскурсия «Қазақстан» орталық концерт залында өткен  «Қазақ хандығы: Алтын тақ» көркем фильмінің көрсетілімімен жалғасты.

«Айғақ-ақпарат»