ҚР Вице-Премьері Е. Досаев Елбасы тапсырмасы бойынша еліміздің бірқатар өңірін аралады

Мемлекет басшысының биылғы 30 қаңтардағы Қазақстан Республикасы Үкіметінің кеңейтілген отырысында берген тапсырмасы бойынша ҚР Премьер-Министрінің Орынбасары Ерболат Досаев жұмыс сапары аясында Ақтөбе, Батыс Қазақстан, Атырау және Маңғыстау облыстарында болып қайтты.

Сапар барысында Е. Досаев әлеуметтік инфрақұрылым нысандарымен танысып, экономиканың нақты секторын сауықтыру және өңірлерде шағын және орта бизнесті дамыту мәселелері жөнінде кеңес өткізді.

Жұмыс сапарлары барысында трансформатор зауыты, машина жасау кәсіпорындары, роботты дәнекерлеу әдістерін қолдана отырып металл құрастырылымдарын шығару, керамогранит пен керамика плиталар шығару секілді өнеркәсіптік нысандар, сондай-ақ жүнді алғашқы өңдеу және жүннен тоқылған бұйымдар шығару кешені тексерілді.

Білім беру және денсаулық сақтау саласында көрсетілетін қызметтердің сапасына назар аударылды. Осы мақсатта ауылдық жерлердегі дарынды балаларға арналған интернат, студенттік жатақхана, кәсіптік техникалық білім беруге жаңа технологиялар енгізіліп жатқан аграрлық-техникалық колледж, сондай-ақ көпбейінді емхана мен салынып жатқан перинаталды орталық тексерілді.

Өңірдің активімен кездесулерде индустрияландыруды дамыту қорытындылары талқыланды, әсіресе, өңдеуші сектор жұмыстары, сондай-ақ Мемлекет басшысының халықтың табысы мен әл-ауқатын арттыруға бағытталған нақты экономиканы сауықтыруға және бизнесті дамытуға қатысты тапсырмаларын орындау сапасы талқыланды. Бұдан өзге, әлеуметтік салада жергілікті атқарушы органдар жүзеге асырып жатқан жұмыстар қаралды.

primeminister.kz

Ұқсас жазбалар

ЕЛІМІЗДЕ КАДРЛЫҚ РЕЗЕРВКЕ АЛЫНҒАН ПЕДАГОГТЕР 100-ГЕ ЖУЫҚ МЕКТЕПКЕ БАСШЫЛЫҚ ЛАУАЗЫМҒА ТАҒАЙЫНДАЛДЫ

ЕЛІМІЗДЕ КАДРЛЫҚ РЕЗЕРВКЕ АЛЫНҒАН ПЕДАГОГТЕР 100-ГЕ ЖУЫҚ МЕКТЕПКЕ БАСШЫЛЫҚ ЛАУАЗЫМҒА ТАҒАЙЫНДАЛДЫ

Мемлекет басшысының тапсырмасы бойынша өткен жылдан бастап елімізде менеджерлердің кадрлық резервін іріктеу және дайындауға бағытталған «Білім берудегі өзгерістердің 1000 көшбасшысы»...

«АУЫЛ АМАНАТЫ» БАҒДАРЛАМАСЫ БОЙЫНША МИКРОКРЕДИТТЕУДІҢ АҚПАРАТТЫҚ ЖҮЙЕСІ ӘЗІРЛЕНДІ

«АУЫЛ АМАНАТЫ» БАҒДАРЛАМАСЫ БОЙЫНША МИКРОКРЕДИТТЕУДІҢ АҚПАРАТТЫҚ ЖҮЙЕСІ ӘЗІРЛЕНДІ

Ауыл шаруашылығы министрлігі Агроөнеркәсіптік кешеніндегі экономикалық саясаттың талдау орталығымен бірлесіп, «Ауыл аманаты» бағдарламасы бойынша микрокредиттеудің ақпараттық жүйесін әзірледі. Ол кредит...