Бүгін Астанада Қазақстан Республикасының қоғамдық даму министрлігі мен Қазақстанның Азаматтық Альянсымен бірлескен қоғамдық кеңестің ІІ Республикалық Мәжілісі өз жұмысын бастады.
Мәжілісті өткізудегі мақсат — оң тәжірибе алмасу және қоғамдық кеңестердің қызметін жетілдіру бойынша ұсынымдар әзірлеу, сондай-ақ қоғамдық кеңестер мен мемлекеттік органдар арасындағы ынтымақтастықты одан әрі дамыту үшін механизмдермен бағыттарын айқындау.
Басқосу барысында қатысушылар қоғамдық кеңестер туралы Заң жобасының негізгі ережелерін, олардың қызметін бағалау жүйесін қалыптастыру мәселесін және олардың одан әрі дамыту перспективаларын қарады.
Шараға қоғамдық кеңес өкілдері, сарапшылар қауымдастығы, үкіметтік емес ұйымдар, мемлекеттік органдардың және халықаралық ұйымдардың басшылары қатысты. Жалпы саны 300-ден астам. 
Нәтижесінде, қоғамдық кеңестердің қоғамдық кеңестерге қызметін одан әрі жетілдіру бойынша қатысушылардың ұсынымдары нақты шешім қабылданды.
Естеріңізге сала кетейік, қоғамдық кеңестер — мемлекет пен азаматтық қоғам арасындағы диалогтың нысаны ретінде 2016 жылы «100 нақты қадам» ұлттық жоспарын іске асыру шеңберінде құрылған болатын.
Бұл мемлекеттік емес институттар — мемлекеттік шешімдерді қабылдаудың ашықтығын арттыруға бағытталған консультативтік-кеңесші, қадағалау органдары болып табылады.
Қазақстанда республикалық және жергілікті деңгейде 229 қоғамдық кеңес бар. Қоғамдық кеңестердің жұмысына 3907 адам қатысады.
Қоғамдық кеңестер азаматтардың құқықтары, бостандықтары мен міндеттеріне қатысты 12 мыңнан астам нормативтік-құқықтық акті жобасын қарады. Мемлекеттік қызметтер сапасы және тағы басқа мәселелер бойынша 1069 қоғамдық тыңдау ұйымдастырылды. 213 түрлі деңгейдегі әкімдер, 1300-ден астам жергілікті өзін-өзі басқару органының басшысы тыңдалды.
«Айғақ-ақпарат»
