ҚР Парламенті Мәжілісінің депутаты Майра Айсина Түркістан облысына іс сапармен келді. Ондағы мақсат облыстың тыныс-тіршілігімен танысып, балалар үйіндегі тәрбиеленушілерге жеке есепшот ашып, қаржы салу. Мәжілісмен Арыс қаласы мен Шымкент қаласындағы 7 балаға көмек қолын созды.Бүлдіршіндермен кездескен Майра Айсина балалардың жеке құқықтарын және заң аясын таныстырып өтті.
Сайрам тұрғын алабындағы №4 балалар үйінде болған депутат, саясаткер Майра Айсина онда тәрбиеленіп жатқан 3 балаға «Халық банк» арқылы жеке есепшот ашып, қаржы салды. Осы секілді, онда тәрбиеленіп жатқан балалардың барлығына жеке кәсіпкерлер мен қоғам жанашырлары есепшот ашқан. Онда салынған қаржыға екінші деңгейдегі банктың жыл сайынға 10,5 пайыздық және мемлекеттің беретін 7 пайыздық үстемақысы қосылады. Бұл жиналған қаржылар балалар үйіндегі тәрбиеленушінің мектеп бітіріп, жоғарғы оқу орнына түсу кезінде немесе өзге де қажеттіліктеріне жұмсалады. Өзінің уақытын балаларға арнаған Майра Айсина осы сәтте оқушыларға заң аясындағы бала құқығын таныстырды. Балалардың неге құқылы екенін айтып, заңды сауаттарын аша түсті.
Сондай-ақ, жиында тәртіпті балалар мен қамқор тәрбиешілер алғыс хаттарға ие болды. Ал, ол марапатқа кімнің лайық енінін сондаға оқушылапдың өздері таңдады. Осындай ықылас пен мейірімді сыйлаған ел азаматына кішкентай бүлдіршіндер алғысын айтты.
Елімізде тұрып жатқан әрбір ата-ана өз баласына осылай есепшот ашқаны дұрыс. Бұл ұлыңыздың болашағына, оның материалдық қажеттіліктерін толық қамтамасыз етуіне үлкен пайдасы бар дейді мәжіліс депутаты. Шымкент қаласы Сайрам тұрғын алабындағы №4 балалар үйінде 5 және 18 жас аралығындағы 81 бүлдіршін тәрбиеленеді. Олар мұнда қолы бос уақыттарында сабақтан тыс қолөнер жасаумен айналысады. Солардың бірі Роза. Ол болашақта баларды оқытатын педагог болуды армандайды екен.
«Жетім көрсең жебей жүр» деген атам қазақ. Қоғамда жағдайы қанағаттанарлық азаматтардың қатары көп. Олар балалар үйіне келіп қолынан келгенше көмек береді екен. Дегенмен де, көмек беру тек қаржымен ғана шектелмейді. Кез-келген азамат өзінің қамқорлығы мен мейірімін төксе, кішкентай балаларға қуаныш емес пе?
