Желтоқсан айының 24 күні рухани астанада жаңа жылдық бас шыршаның шамы жағылды. Биіктігі 20 метрді құрайтын шыршаны тамашалауға Түркістан қаласының тұрғындары мен бүлдіршіндер жиналған. Салтанатты шараға Түркістан облысының әкімі Жансейіт Түймебаев қатысып мерекелік құттықтауын жеткізді.
Бүгін Түркістан облысының орталығында жаңа заман талаптарына сай жабдықталып, 100 пайыз сандық жүйеге қосылған «Жедел-жәрдем медициналық орталығының» ашылу рәсімі өтті. Оған Түркістан облысының әкімі Жансейіт Түймебеав қатысты. Салтанатты шара барысында «Облыстық жедел-жәрдем медициналық стансасына» үш су жаңа арнайы көлік сыйға тартылды.
«Ауыл» халықтық-демократиялық патриоттық партиясы Түркістан облысы бойынша филиалына жаңа басшы тағайындалды. Бұған дейін Қанатбек Досалиев басқарған партия филиалына енді Нұржан Әжіметов төрағалық етеді. Бұл ақпарат рухани астанада өткен конференция барысында мәлім болды.
Ақын Ханбибі Есенқарақызының он томдық кітабы жарыққа шықты. Бұған дейін махаббат туралы жырлап, өмірдегі оқиғаларды ақ параққа түсірген талант иесі халықтың рухын оятатын, намысын қайрайтын шығармаларды дүниеге әкелді. «Хан қызындай Ханбибі» атанып жүрген ақын қиын-қыстау заманда талай еңбектерімен оқырманды баураған нәзік жанды таланттардың бірі. Бұл жолы он томдық кітапты жарыққа шығарып, таңырқатып отыр. Өзі білім алған мемлекеттік Оңтүстік Қазақстан педагогикалық институтында баспадан шыққан су жаңа кітаптың лентасы қиылып, оқырмандарға ұсынылды. Халықаралық «Алаш» сыйлығының лауреаты, Парасат орденін иемденген көрнекті ақынның бұл кітабын оқып күлесіз, жылайсыз және көкейіңізге ой түйесіз. Қазақ қызының ерлігі туралы көп шындықты білесіз. Даңқты жазушы Шыңғыс Айтматов «Ханбибінің өзіде көркем, сөзі де көркем» деп бағасын берген. Осыдан асқан ақынға атақ болмас. Талайлар мақтауын айтқан Ханбибі Есенқарақызына биліктегі басшыларда құрмет көрсетті.
Ордабасы ауданында ең жас мамандық иелері марапатталды. 10 номинация бойынша іріктеліп алынған үздіктер «Жастар сарайында» бас қосты. Байқауда үздік шыққан жас мамандар өздерінің ерекше әсерлерімен бөлісті.
Соңғы жылдары ауыл шаруашылығы саласына қажетті мамандар даярлайтын кәсіптік оқу орындарына мемлекет тарапынан барынша жағдай жасалып тиісті қолдау көрсетіліп келеді. Осы орайда Сайрам ауданының Қарбұлақ ауылындағы Д.Қонаев атындағы №25 колледжі бүгінгі таңда 8 мамандық бойынша 700-ден астам студентке орта арнаулы кәсіптік білім беріп жатса, бітіруші мамандардың жұмыспен қамтылу көрсеткіші де жыл санап жоғарылап келеді. Ал, ең бастысы бұған дейін аталмыш оқу ордасы үшін ең негізгі қажеттіліктің бірі болып келген оқу өндірістік база мәселесі де өз шешімін тауып отыр. Ендігі жерде колледж студенттері заманауи жабдықтармен қамтылған жаңа шеберханаларда өз біліктіліктерін шыңдайтын болады.
Абай ауданы әкімдігі 200 балаға жаңа жылдық шырша ұйымдастырды. Демеушілердің қолдауымен өткен шараға аудандағы жағдайы төмен отбасыдан шыққан, жартылай жетім және тыл жетім балалар қатыстырылған. Мерекелік кеште аудан әкімі балалармен бірге шырша айналып, сыйлықтар үлестірді.
