— Бүгін Үкіметтің селекторлық режімдегі отырысында ҚР Премьер-Министрі Бақытжан Сағынтаев облыс әкімдеріне коммуналдық қызметтер тарифтерінің өсуіне жол бермеуді тапсырды, «Елбасының тапсырмасын орындау барысында біраз жұмыс атқарылды. 2019 жылдың қаңтарынан бастап электр энергиясы мен газ тарифтері, оған байланысты жылу, су тарифтері төмендейтін болады. Көмір арзандайды. Мобильдік байланыс пен интернет тарифтері де төмендемек. Яғни, Мемлекет басшысының қойған тапсырмалары бірінші қаңтардан бастап іске асырылуы қажет»,- деді Бақытжан Сағынтаев. Осы ретте Үкімет басшысы әкімдіктерге көмірдің қолайлы бағасын қамтамасыз ету үшін өңірлік операторлардың үздіксіз және сапалы жұмысын қолға алуды тапсырды.
— Сондай-ақ, Үкіметтің селекторлық режімдегі отырысында ҚР Инвестициялар және даму министрі Жеңіс Қасымбек көмір бағасын қалай төмендететіндігін «Көмір разрезіндегі баға өзгермейді, ол — 5500 теңге. Трейдер бағаны 60-70 пайызға төмендетеді, үстеме 2 985 теңгеден 885 теңгеге дейін төмендейді деп жоспарлап отырмыз. Орташа алғанда 2 100 теңгеге дейін айырмашылық болады. Шұбаркөл разрезінен Астанаға дейін теміржолмен тасымалдау шығыны 1 715 теңгені құрайды. Стансалар арасындағы қашықтық 616 шақырым»,- деді ол. Оның айтуынша, теміржол көлік шығындары стансадан эстакадаға дейін 1 242 теңгені құрайды. Оған вагондарды стансадан көмір сақтау орындарының шекарасына дейін жеткізу, көмір сақтау орындарының шекарасынан эстакадаға дейін түсіру, иесінің жол тармағы бойынша жүру, вагондарды түсіру шығындары кіреді.
— Шымкент қаласында тұрғындар 100 пайыз электр жүйесімен қамтылса, 92 пайызы көгілдір отынмен қамтамасыз етілген. Келер жылы тұрғындарды 100 пайыз газбен қамту мәселесі жоспарлануда. Бұл туралы мегаполисте өткен Шымкент қалалық мәслихатының кезектен тыс 41-ші сессиясында Шымкент қаласының қала әкімі Ғабидолла Әбдірахымов баяндады. Сондай-ақ, 2018-2020 жылдарға арналған Шымкент қаласының бюджетіне бірқатар өзгерістер енгізілді.
— Елбасы «Ұлы даланың жеті қыры» атты мақаласында «Төл тарихын білетін, бағалайтын және мақтан ететін халықтың болашағы зор болады деп жас ұрпаққа үлкен сенем білдірді. Төл тарихымыздың куәсі болып, ХІХ ғасырда бой көтерген Аппақ ишанды көпшілік біле бермейді. Бүгін сол киелі мекенге Тәжікстаннан келген қандасымыз арнайы ат басын бұрды.
— Түркістан облысының аудан, қалаларында жүрген «Дәстүрлі құндылықтар керуені» Ордабасы ауданында. 11 кезекте келген керуен тобы халыққа мәдени, рухани, діни тұрғыда ақпарат беру мақсатында ұйымдастырылған. Басқосуға аудандық терроризмге қарсы комиссия мүшелері, аудан тұрғындары, мектеп оқушылары қатысты.
— Қараша 24 күні танымал журналист «Просветитель» сыйлығының иегері Ася Казанцева Шымкент қаласының жастарымен кездесті. Мақсат жастардың жат қылықтан аулақ болып өмірге деген құлшынысын арттыру. Басқосу барысында Ася Казанцева түрлі сұрақтарға тұшымды жауап беріп тыңдаушылардың қошеметіне ие болды.
— Шымкент қаласында Ольга Феминская атындағы семсерлесуден халықаралық 13-ші турнир басталды. 3 күнге жалғасатын додаға Өзбекстан, Қырғызстан және Ресей мемлекеттерінен спортшылар келген. Алғашқы жарыс күніне 60 семсерлесуші қатысты.
— Қазақ тарихының жанашыры, танымал журналист, Алексей Гончаров 57 жасында өмірден озды. Марқұммен қоштасу рәсімі Орыс драма театрында өтті. Өлкетанушы және бірнеше кітаптардың авторы Алексей Гончаровты ақтық сапарға шығарып салуға туыстары, шәкірттері және көзін көрген замандастары келді.
