Елбасы Жолдауы жастар арасында талқыланды

Мемлекет басшысының бұл жолғы Жолдауы «Қазақстандықтардың әл-ауқатының өсуі: табыс пен тұрмыс сапасын арттыру» бағытында болды. Ұлт көшбасшысының кезекті Жолдауы өңірімізде қызу талқылануда. Сондай-ақ, Жолдауды талқылау мәселесі «Болашақ» үздіксіз білім беру орталығының (балабақша, мектеп және жоғары колледж) ұжымында талқыланды. Жастардың алдында Түркістан облыстық мәслихатының депутаты Саттар Қуашбай Жолдауға қатысты арнайы баяндама жасады.

«Еліміздің әлемдік дамудағы рөлі мен маңызы» тақырыбы яасында Жолдау ұстаздар мен оқушылар арасында қызу талқыға түсті.

Баяндамашының айтуынша, Елбасы Жолдауында білім саласына көп көңіл бөлінуі, ұстаздардың мәртебесінің өсетіні барша оқытушыларды қуантқаны рас. Жалқының көтерілетіні, қағазбастылықтың азайтылатындығы ал, білім сапасының артатыны сонымен қатар,  мұның барлығы жақын арада жүзеге асатынына ұстаздар сенімділік білдірді. Ол үшін жақсы жұмыс атқарып, қолдауларын аянып қалмақ емес. Осы тұрғыда сөз алған оқу орталығының мұғалімі еліміздің барлық мектебі үш тілде оқытатын Назарбаев зияткерлік мектебі секілді болса, дамыған 30 мемлекеттің қатарына қосылу жеңіл болатынын айтады.

Барлық саланы қамтыған Елбасы Жолдауында медицининаға да көңіл бөлінген. Дәрігерлердің қызметінің тиімділігін арттырып, назарын тек науқасқа аудару мақсатында қағазбастылықты азайту көзделген. Сондай-ақ, Жолдауда ең алдымен ауылдық жерлердегі алғашқы медициналық көмектің қол жетімді болуын қамтамасыз ету керектігі айтылды. Осы секілді басқа да маңызды жоспарлар мен тапсырмаларды оқушыларға колледждің медициналық мамандықтар бөлімінің басшысы Құлбек Балқыбекұлы кеңінен түсіндіріп берді.

Мемлекет басшысының Жолдауын «Болашақ» үздіксіз білім беру орталығында насихаттауға Экономика университетінің ұстаздары да қатысты. Сәттігүл Расбаеваның айтуынша Жолдауда айтылған «Ұлт саулығы-мемлекеттің басты байлығы». Яғни, қазақстандықтар сапалы азық-түлікті пайдалануы тиіс» деген тармағын қолдайтынын жеткізді.

Сондай-ақ, оқу орнының студенттері Елбасының 2019 жылды «Жастар жылы» деп жариялағынын ұсынысын қолдады. Өйткені, алдағы жылы мемлекет тарапынан жастардың мәселесіне ас назар аударылады және жастарға қатысты көп мәселелер (жатақхана, жастарды жұмыспен қамту және т.б) шешілетін болады.

Жиын жұмысын «Болашақ» үздіксіз білім беру орталығының басшысы Саттар Қуашбай қорытындылап, Елбасының Жолдауын қолдауды, оқу сапасын жетілдіруді және мұғалімдерге жастар тәрбиесіне көңіл бөлуді, оларға оқуын және демалуын жақсартуға жағдай жасауды тапсырды.

Аруна Пернебек.