Шымкент қаласында өрт қауіпсіздігі айлығы кезеңіне орай Шымкент қаласы ТЖ департаментінің Қаратау ауданы бойынша инженер азаматтық қорғау аға лейтенанты Ерғали Нұрдаулет және аға лейтенант Паттахов Эльдар Шымкент қаласының Төтенше жағдайлар басқармасы қызмектерлерімен бірлесе отырып, бұқаралық ақпарат құралдары журналистерінің қатысуымен №4 өрт сөндіру бөлімінің аумағында «ашық есік күнін» ұйымдастырып, білім беру мекемелерінің оқытушылары мен оқушылары қатысты.
№4 мамандырылған өрт сөндіру бөлімі қызметкерлерінің жұмыс таңы мекеме қабырғасында оқушыларды қарсы алудан басталды. Іс-шара бағдарламасында өрт сөндіру автомобильдері мен авариялық — құтқару құралдары көрсетілді.
Шымкент қаласы Қаратау ауданы бойынша инженері азаматтық қорғау аға лейтенанты Ерғали Нұрдаулет балаларға өрт сөндіру жабдықтары мен өрт сөндірушілердің жұмысы туралы айтып берді. Ол өскелең ұрпақпен осындай кездесулерді өткізудің маңыздылығын атап өтті: «Біздің мамандық қауіп-қатерге толы. Өрт сөндірушілер өздерінің жұмысын жақсы көреді және мақтан тұтады, сондықтан өрт сөндіру ісін көпшілікке тарату басымды тапсырмалардың бірі. Біз осындай іс-шаралар арқылы жас ұрпақты біздің жұмысымызға тартамыз. Кім біледі, мүмкін сіздердің қатарларыңнан біреулеріңіз болашақта біздің қатарымызға қосылатын боларсыңдар. Біз оған қатты қуанамыз».
