Қаламыздағы Намыс футбол алаңында аяқ доптан әйелдер командалары арасындағы УЕФА «Чемпиондар лигасы» турнирінің 1/16 финалдық ойыны өтті. Бұл күні жарыс жолында Қазақстанның «Биік – Қазығұрт» әйелдер командасы мен Испанияның «Барселона» командасы кездесті. Ойын айтарлықтай тартысты өтті. Ойынның 1-ші минутарынан-ақ қос команда алғашқы голды соғуға асықты. Жарыстың 15-ші минуттарында «Биік-Қазығұрт» командасы ойын тізгінін қолға алды.
Жерлестеріміз 1-ші таймның соңғы минутында қарсыластың оң қапталынан бұрыштама добын қақпаға бағыттап есепті 1:0-ге жеткізді.
Екі тайм арасындағы үзілістен соң Биік-Қазығұрт командасының шабуылшысы №12 Иквапут Фазила допқа иелік жасап оң қапталдан қақпаға допты бағыттау арқылы есепті еселей түсті. Есеп 2:0.
Ойын қыза түсті. Қос командадан да айып доптар соғылып жатты. 2 таймның ортасында «Биік-Қазығұрт» командасының шабуылшысы Гулнара Габелиа есепті 3:0 ге жеткізіп көрерменге қуаныш сыйлады.
Осы сәтерде қарсыластар қарымта шабуыл жасап қақпаға тура бағытталған допты қақпашымыз №99 –шы Оксана Железняк қайтара білді. Алайда Барселонаның бұрыштан соғылған добы өз пайдаларына шешілді. Яғни есеп 3:1.
Осылайша қос команданың тартысты ойын нәтижесі бойынша, «Биік-Қазығұрт» әйелдер командасы жеңіс туын желбіретіп, ел мерейін үстем етті.
Жерлестеріміз басым түсті! Қазақстанның «Биік-Қазығұрт» командасы өз жеңісімен жанкүйенрлерін қуантты!
