ОҚО Еңбек инспекциясы жөніндегі басқарма тарапынан 12 айда 1027 тексеру жүргізілген

Оңтүстік Қазақстан облысының мемлекеттік еңбек инспекциясы жөніндегі басқармасы кәсіпорындар мен мекемелерде 2017 жылдың 12 айында 1027 тексеру жүргізген. Жүргізілген тексерулердің барысында 1308 заң бұзушылық анықталған. Оның ішінде еңбек қатынастары туралы — 812, еңбек қауіпсіздігі және еңбекті қорғау бойынша -315, халықты жұмыспен қамту -181.Бұл туралы БАҚ өкілдерімен болған кездесуде басқарма басшысы Алмасбек Мамытбеков мәлімдеді. Басқарма басшысының айтуынша  анықталған заң бұзушылықтардың ішінде 1276 жойылып, заңға сәйкестендірілген. Аталған мекемелер мен кәсіпорындарға 674 орындалуы міндетті нұсқама беріліп, еңбек заңнамасының бұзылуы бойынша 19 71 7 610 теңге көлемінде айыппұл салынған.

Басқарма басшысы Алмасбек Мамытбековтың айтуынша еңбек заңнамасы көбіне жұмысқа қабылданған қызметкерлермен еңбек шарттарының жасалмауы, еңбек шарттарын заңсыз бұзушылық, жалақының уақытылы төленбеуі, үстеме ,мереке және демалыс күндеріндегі жұмысқа ,сондай-ақ әйелдердің құқығына қысым жасалуы сияқты фактілер бойынша бұзылуда. Жыл басынан жалақыны уақытылы төлемеу түріндегі еңбек заңнамасын бұзғаны үшін кәсіпорындар мен екемелерге инцпекция тарапынан 17 нұсқама беріліп, 5,3 млн теңге көлемінде 17 әкімшілік айыппұл салыныпты.

Жомарт Бегімбет