Қоғамдық сананы жаңғырту бағдарламасын жүзеге асыруға 2018 жылға республикалық бюджетте T13,5 млрд қарастырылған, деді ҚР Қаржы министрі Бақыт Сұлтанов.
«2018-2020 жылдары мәдениет және сопртты дамытуға кететін шығын Т219,7 млрд, оның ішінде 2018 жылға Т82 млрд. болады. Т82 млрд-тан қоғамдық сананы жаңғыртуға Т13,5 млрд қарастырылған», — деді Б. Сұлтанов бейсенбі күні 2018-2020 жылдарға арналған үшжылдық бюджетті парламент сенатында таныстыру барысында.
Оның айтуынша, жоғарыда айтылған Т82 млрд-тың Т13,5 миллиарды мәдениет ұйымдары мен мұрағат істерінің жұмыс істеуі үшін, Т21,7 млрд – бұқаралық спортты, ұлттық спортты және жоғары жетістіктер спортын дамыту мен басқа да бағыттарды дамытуға қарастырылған.
«Дарынды балаларды оқыту және тәрбиелеуге, ТжКБ, жоғары оқу орының мамандарын даярлауға, бұрын басталған көркем және деректі фильмдерді аяқтау үшін 25,6 млрд. теңге қарастырылған», — деп атап өтті ведомство басшысы.
Дереккөз: ҚазТАГ.