Бензин жетіспеушілігі үшін Үкімет жауап беруі керек. Бұл туралы Мәжіліс депутаты Мәулен Әшімбаев tengrinews.kz тілшісінің сұрағына жауап беру барысында айтты, деп хабарлайды Baq.kz ақпарат агенттігі.
Оның ойынша Үкімет бұл мәселені шешуі керек.
«Неліктен бензин жоқ болып қалғанын анықтау керек. Алматыда да, Астанада да осы мәселе. Байқаймын, еліміздің басқа өңірлерінде де осы жағдай. Менің ойымша, Үкімет бұл мәселенің неден туындап отырғанын халыққа нақты түсіндіруі керек» — дейді Мәулен Әшімбаев үкімет сағаты отырысының үзілісінде.
Оның айтуынша әлемдік мұнай бағасы тұрақты болып тұрған жағдайда, бензиннің тапшылығы болмауы керек.
«Әлемдік нарықтағы мұнай бағасы, тұтастай алғанда, бұл бағаларды тұрақтандырды. Бұл біздің зауыттарымыз жұмыс істегеп тұрған жағдайда белгілі бір дәрежеде кіріс деңгейін ұстап тұру үшін біздің өндірушілерімізге жеткілікті, алайда тапшылықтың неліктен екенін түсіндіру қиын. Сондықтан Үкімет бұл мәселеге нақты дәлелдер айтуы керек» — дейді депутат.
Ол бензиннің қымбаттауына белгілі бір топтар әсер етіп отыр деп санайды.
«Менің ойымша, бұл дұрыс байлам болмауы да мүмкін, бірақ мен ешқандай себеп көріп тұрған жоқпын. Бұл жерде белгілі бір топтардың пайда табу үшін кейбір субъективті себептер, белгілі бір шешімдер, ұстанымдар бар. Сондықтан Үкімет бұл мәселенің осы жағын да қарап көруі керек деп ойлаймын» — дейді Мәулен Әшімбаев.
Сонымен қатар ол осы сәрсенбі күнге дейін бұл мәселе шешімін таппаса, депутаттар бұны Үкіметтің қарауына ұсынатынын айтты.
«Менің ойымша депутаттар осы сәрсенбі күні бұл мәселені көтеретін болады. Бұл ең өзекті мәселе. Үкімет бұл мәселені осы сәрсенбі күнге дейін біржақты ете алмаса, біз – депутаттар бұл мәселені қозғайтын боламыз» — деді депутат.
Естеріңізге сала кетейік, бірнеше күннен бері елімізде бензин тапшылығы басты мәселеге айналып отыр.
Дереккөз: baq.kz
