Маңғыстау Каспий теңізіндегі халықаралық круиздерді ұйымдастыру үшін теңіз вокзалын салуды жоспарлауда, деп хабарлайды Маңғыстау облысы әкімінің баспасөз қызметі.
Бұл туралы Маңғыстау облысының әкімі Ералы Тоғжанов Қазақстан Республикасының Ақпарат және коммуникациялар министрлігінің Орталық коммуникациялар қызметінде өткен брифингте мәлім етті.
Маңғыстауда теңіз туризмін, су спортын дамытудың барлық алғышарттары бар: таза теңіз, әдемі жағажайлар, жағалау бойындағы елді мекендер, көптеген коммерциялық балық түрлері және географиялық орналасуы.
-Кез-келген теңіз жағалауында орналасқан курорттық қаланың визит картасы — оның жағалауы, қаланың бүкіл көрінісінің толықтығы мен сұлулығына байланысты. Қазіргі уақытта Ақтау қаласының 1-4 шағын аудандарының жағалауларын жақсарту үшін «Скальная тропа» жобасын әзірлеу бойынша жұмыс жүргізілуде, — деді Маңғыстау облысының әкімі Ералы Тоғжанов.
Каспий теңізінде Қазақстан, Ресей, Әзірбайжан, Түркіменстан елдері арасында жолаушылар станциясының құрылыс жұмыстары жүргізілуде. Халықаралық жобаның аясында Маңғыстау облысының әкімдігі осы елдер арасында круиз ұйымдастыру бағытында жұмыстанып жатыр. Қазіргі уақытта қажетті технологиялық инфрақұрылымның болуы ескеріле отырып теңіз вокзалының орны анықталуда.
Бұрын хабарланғандай, Астрахань облысының вице-губернаторы Константин Маркелов және Әзірбайжанның Нариман аудандық басшысы Абдин Фарзалиев 2016 жылдың қараша айында жетінші аймақаралық форумы кезінде Каспий теңізінің бойымен круиз ұйымдастыруды талқылады.
«Астрахань облысында жақында жаңа круиздік лайнер жасала бастады. Ал біз шынымен кейін лайнер жасалып болғасын, Каспий теңізінде қалып, Каспий теңізінің жағалауындағы қалаларға круиз жасағанын қалаймыз», — деді Маркелов.
Сонымен қатар, ол «құрылыс аяқталғанға дейін 3 жыл қалды» деп атап өтті.
«Осы уақыт ішінде біз барлық туристік маршрут дайындап үлгеруіміз керек», — деді Маркелов.
