2016 жылдың 6 маусым күні, сағат 00.40-та Төлеби АІІБ-не 30 жастағы жергілікті тұрғын 2009 жылы туылған кәмелетке толмаған, Төлеби аудандық мектептердің бірінде 2 сынып оқитын қызы 5 маусым күні күндіз үйінен шығып кетіп, қайта оралмағаны туралы арызданып келеді. Полицейлер аталған жайтты Төлеби АІІБ СДТБТ тіркеген. Жоғалған мектеп оқушысын іздеуге Төлеби АІІБ-нің және ОҚО ІІД Криминалды полиция басқармасының жеке құрамы жұмылдырылды. Із-түссіз жоғалған қыздың жүрген жерін анықтау үшін барлық ҚАІІБ-на бағыттар берілді, жедел-іздестіру тобы жұмысқа кіріскен. Шымкент ҚІІБ ЖПҚ жол-патрульдік полициясының қызметкерлері жүргізген жедел іздестіру шарасы барысында облыс орталығы көшелерінің бірінде үлкендердің қарауынсыз қыдырып жүрген қызды табады. Полицейлер Шымкент қалалық уақытша бейімдеу орталығына жеткізіп, ОҚО Төлеби ауданының із-түссіз жоғалған 7 жастағы қыз екенін анықтаған. Қыздың түсіндіруінше, тәртіп сақшылары қызды дені сау және аман тауып алғанға дейінгі қыдырып жүрген жерге, яғни Шымкент қаласына таксимен келген. Полиция қызметкерлері қажетті шараларды жасаған соң, қызды ата-анасына тапсырды.
ОҚО полицейлері тұрғындар мен қонақтарға өздерінің балаларына мұқият және қараусыз қалдырмауды сұрайды.
ОҚО ІІД баспасөз қызметі
