Жұма күні Шымкент қаласында екі бірдей көпқабатты тұрғын үй пайдалануға берілді. «Нұрсәт» мөлтекауданы мен Ақжайық шағынауданында бой көтерген келбеті келісті баспаналар «Қолжетімді баспана-2020» мемлекеттік бағдарламасы аясында өз иелеріне табысталып отыр. Қала халқының көптен күткен қуанышына облыс әкімі Бейбіт Атамқұловтың өзі ортақтасып, пәтер кілттерін үй иелеріне салтанатты түрде табастыды.
«Өз үй үйін-өлең төсегіне» балап, жаңа пәтерлерге қол жеткізген бұқараның расында да қуанышында шек жоқ. Оған себепте жоқ емес, бүгін қолына пәтер кілтін алған азаматтың дені ұзақ жылдар баспана кезегінде тұрғандар. «Қолжетімді баспана» бағдарламасы бойынша баспаланы болған жанның бірі Тәжібаев Құдайберген. 10 жылдан бері үй кезегінде тұрған 4 баланың әкесі ІІ — топтағы мүгедек. Осы уақытқа дейін жалдамалы пәтерде күнелтіп келген азамат енді 3 бөлмелі баспанада жанұясымен бірге бақытты ғұмыр кешетіндіктерін айтып марқаюда.
Сондай-ақ, бұл күні Ақжайық мөлтек ауданында да 36 пәтердің кілті иегелеріне табыс етілді. Жалпы бұл көпқабатты тұрғын үй Казақстанның Ипотекалық компаниясы арқылы пайдалануға берілді. Бағдарламаның бірінші бағыты бойынша коммуналдық тұрғын-үй қорынан пәтер алу тізімінде бүгінгі күнге дейін 21 547 азамат тіркелген. Оның ішінде, Ұлы отан соғысына қатысушылармен мүгедектер қазіргі таңда тұрғын үймен қамтылған, ал жетім және ата-анасының қамқорынсыз қалған балалардың саны 1483 болса, әлеуметтік жағынан әлсіз 7985 азамат баспана кезегінде. Бұл тізімнің 1 2058 – ін мемлекеттік қызметші, бюджеттік және әскери қызметшілер толықтырып тұр. 
Сапалы әрі сәнді салынған тұрғын үйдің құрылысын «Отау строй» компаниясы жүргізген. Құрылыс жұмыстарын өткен жылдың наурыз айныда бастаған серіктестік, нысанды өз мерзімінде пайдалануға беріп отыр. Елбасының тапсырмасына сай, жыл соңына дейін 1692 пәтерлі 21 тұрғын үй пайдалануға берілмек.
Ұлдархан Уәлиханқызы
