ҚР Ішкі істер министрінің орынбасары Владимир Божко Оңтүстік Қазақстан облысына жұмыс сапарымен келді. Сапар барысында Владимир Божко өңір басшысы Бейіт Атамқұловпен кездесті. Кездесу барысында тараптар аймақтағы төтенше жағдайлардың алдын алу жұмысына қатысты мәселелерді талқылады.
Сондай-ақ, әкімдік пен жергілікті төтенше қызмет көрсету арасында тығыз байланыс орнату қажеттігі айтылса, бұл байланыс әсіресе қыс мезгілінде аса маңызды екені сөз болды. Жиынға облыс әкімінің орынбасары Сәкен Қаныбеков пен аудан, қала әкімдері, облыстық басқарма басшылары және өңірдегі Төтенше жағдайлар басқармасы мен бөлімдердің қызметкерлері қатысты. Өңірге жұмыс сапарымен келген Ішкі істер министрінің орынбасары кез келген келеңсіз жағдайда адам өмірін сақтап, көмек көрсете білетін сала мамандарына алғысын жеткізіп, жалпы әлемдік дағдарысқа қарамастан төтенше жағдайлардың алдын алуға мемлекет тарапынан қолдау көптеп көрсетіліп жатқандығын мәлімдеді.
Басқосуда жергілікті әкімдік пен төтенше қызмет көрсету орталықтарының арасында тығыз байланыс орнату кажеттігі де айтылды. Әсіресе бұл қыс мезгілінде маңызды болмақ. Оңтүстік төтенше жағыдайлар маусымына байланысты өңірдегі өзен-каналдарды, су қоймаларын, сонымен қатар жол торабтарын комиссиялық тексеруден өткізген. Халық арасында да тиісінше түсіндірме жұмыстары жүргізіп келеді. Жалпы төтенше жағдайлардың алдын алуға облыс қазынасынан 186-млннан астам қаржы да қарастырылған.Ағымдағы жылдың 11-айында өңірде 1238 төтенше жағдай тіркеліп, 550 –адам зардап шеккен. Көрсеткіш өткен жылмен салыстырғанда 9,1 пайызға төмендепті, алайда келеңсіз жағдайдан қаза тапқандар саны керісінше 9,3 пайызға артып, 118-ге жетіпті. Бұл туралы Төтенше жағдайлар департаментінің бастығы баяндамасында мәлімдеді.
Жомарт Бегімбетов
