Қазіргі таңда өңірімізде 367 почта байланыс бөлімшелері 880 елдімекенге почталық қызмет түрлерін көрсетіп келеді. Сондай-ақ, 95 автомобильдік маршрут өңірдің тасымалдау жиілігіне қызмет жасайды. Соның бүгінде 14 — і облыстық болса, 17 қалаішілік. Ал 63 маршрут аудан иелігінде. Бір күнде 15 мыңға жуық шақырымды жүріп өтетін маршруттық автомобиль орта есеппен аптасына 6 рет тиісті тасымалды иесіне жеткізеді. Мұнан өзге заман талабына сай түрлі жарнамалық бағдарламамен айналысып отырған мекеме өткен жылдан бері халыққа тиімді жаңа бағдарламалар енгізіпті. Яғни гибридтік электрондық почта, Sort – Center, Интернет жазылым, электронды кезек жүйесі, SMS хабарлама, Print Card яғни тәулік бойы мобильдік телефон арқылы ашық хаттарды онлайн режимінде жасап, дүние жүзі бойынша туған туыстарға түрлі деңгейдегі құтықтаулар жолдауға мүмкіндігі бар. Осы сында басқада түрлі заманауи бағдарламалар мекеме тарапынан атқарылып келеді екен. Бұл туралы журналистер алдында есеп берген «Қазпочта» АҚ ОҚОФ директоры Пірәлі Болысбек мәлім етті.
Жазира ЖОРАБЕКОВА
