«Оңтүстік» ақпарат орталығында өткен брифингте көліктік бақылау инспекциясының басшылығы осылай деп шырыл қақты. Айтуларынша, шамадан тыс жүк артқан ауыр жүк көліктері қара жолдың қыртысын бұзып келеді. Өкінішке орай, мұндай темір тұлпарларға тиым жоқ екендігін айтқан ведомство өкілдері ағымдағы жылдың 7 айында даңғыл жолда жүргізілген тексерудің нәтижесінде 658 құқық бұзушылықты анықтаған. Бұл өткен жылмен салыстырғанда 2 есеге артық. Жолдағы тәртіптің бұзылып, бақылауды күшейте алмауларына қызметкер санының аздығы себеп көрінеді. Дегенмен, даңғыл жолда мемлекетке алым төлеп, арнайы рұқсат алған ауыр жүк көліктеріне тасымал жасауға рұқсат беріледі екен. Бірақ, мәселе сол төленген ақша бұзылған жолды өтей ме дегенге келіп саяды. Жауапты мекеменің есебінде жолаушы пойыздарына қатысты кейбір көрсеткіштерге де БАҚ өкілдері сенімсіздікпен қарады. Мәселен, өткен жылы билетсіз жүрген 116 жолаушы жауапқа тартылған болса, биыл бұл көрсеткіш 87 — ге төмендеген. Күнделікті мыңдаған жолаушы сапарға аттанатын, халқы тығыз орналасқан Оңтүстік үшін бұл тым төмен нәтиже емес пе деген сауалға, мекеме қызметкерінің жауабы тағы да жұмысшы санына байланысты болып шықты.
ХАЛЫҚАРАЛЫҚ ЖЕТІСТІКТЕРГЕ ЖОЛ АШҚАН МЕКТЕП
Seitzhan School – сапалы білім берумен қатар, оқушының жан-жақты дамуына басымдық беретін заманауи мектеп. Бүгінде 1000 орындық...
