2019 жылдың 6 – қараша күні Шымкент қаласының әкімі Е.Айтаханов жақында ғана 20 жылдық мерейтойын тойлаған академик Ә.Қуатбеков атындағы Халықтар достығы университетіне арнайы ат басын бұрды. Әкім университеттің 20 жылда жеткен ғылыми жетістіктері қойылған арнайы көрмемен танысты. Мұнда, әр кафедра өз профессор-оқытушылары мен студенттерінің ғылыми еңбектерін, ғылыми жұмыстарының нәтижелерін,инновациялық жобаларын, макеттерін, оқу құралдары мен сайыс кезінде жеңіп алған кубоктары қойылған. Атап айтқанда, университеттің профессор-оқытушылар құрамы қала басшысына өздерінің ғылыми жұмыстары аясында орындалған инновациялық жобаларымен таныстырды, оларды жүзеге асыру Шымкент қаласының әлеуметтік-экономикалық дамуын жақсартуға мүмкіндік беретінін де тілге тиек етті. Кездесу барысында қала басшысы Е.Айтахановқа университет ректоры, м.ғ.д., профессор,Түркістан облысы мәслихатының депутаты Рабиға Әбдімұсақызы университеттің 20 жылдағы тарихи жетістіктері жайында баяндап берді. Қала басшысы мұнан соң жоғары оқу орнының ұжымымен тілдесіп, қаланың экономикалық-әлеуметтік жағдайының дамуы жолында ғылымды тәжірибемен ұштастыра отырып, бірігіп жұмыс атқаруды ұсынды. Әкім өз кезегінде ұжымға сәттілік тілеп, бүгінгі таңдағы білім беру жүйесін жақсарту, жетілдіру бағытындағы басты міндеттерге тоқталды. Сонымен бірге, жатақхана мәселесінің өзекті екенін айта келе,2020 жылғы оқу жылында пайдалануға берілетін,қазіргі таңда құрылысы қарқынды жүріп жатқан университеттің жаңа жатақханасының құрылысымен танысып, Асар ықшам ауданынан салынатын жаңа университеттің жатақханасы мен спорт кешенінің құрылысына, әкімдік тарапынан қолдау көрсететінін жеткізді.Жоғары оқу орны жайында толық ақпарат алған қала басшысы университеттің материалдық оқу базасымен танысты.Профессор – оқытушылармен кездесу кезінде әкімге ұнаған бірнеше ғылыми жобаларды алдағы уақытта қабылдауына шақырып, ресми кездесу барысында жүзеге асыруды ойластыратынын жеткізді.
