Түркістан қаласындағы №881 сайлау учаскесінде таңғы сағат 7:35-те алғашқы сайлаушы өз таңдауын жасады. Бұл учаскеде 2083 сайлаушы тіркелген. Конституциялық мерзімге сай өткізіліп отырған Мәжіліс және барлық денгейдегі мәслихаттар сайлауына елімізде тіркелген 5 саяси партияның қатысып жатқандығы белгілі. Осы орайда маңызды саяси науқанда дауыс беру бүгін, яғни 2021 жылдың 10 қаңтарында учаскелік сайлау комиссияларында жергілікті уақыт бойынша сағат 07.00-ден бастап 20.00-ге дейін өтеді.
Конституциялық мерзімге сәйкес өткізіліп отырған сайлауға барлық саяси партиялардың науқанға қатысуға дайындалуына, сайлау алдындағы платформасын әзірлеулеріне, партиялық инфрақұрылымдарды жетілдіруіне уақыттары жеткілікті болды.
Қазақстан Республикасындағы сайлау туралы» конституциялық заңда және «Саяси партиялар туралы» заңда қарастырылған ережелер бойынша парламенттік тәжірибемізде алғаш рет партиялық тізімге әйелдер мен жастар үшін 30 пайыздық квота енгізілді. Бұл норма Парламентке және жергілікті өкілді органдарға әйелдер мен жастарды тартудың тиімді жолы ретінде олардың еліміздегі қоғамдық-саяси үдерістерге белсенді қатысуына септігін тигізеді. Сондықтан бұл сайлау еліміздің саяси жүйесін жаңартуды қамтамасыз ететін саяси институттарды дәйекті түрде демократияландыруға және жаңғыртуға Қазақстанның аса ықыласты екенін тағы да бір дәлелдейтін болады.
aigak.kz