ТҮРКІСТАН ҚАЛАСЫ БОЙЫНША «109 — БІРЫҢҒАЙ БАЙЛАНЫС ОРТАЛЫҒЫ» ЕКІ АЙҒА ЖУЫҚ УАҚЫТ ІШІНДЕ 10 МЫҢНАН АСТАМ ӨТІНІМ ҚАБЫЛДАҒАН

Тәулік бойы тұрғындардың шағымын қабылдайтын, заманауи техникалармен жабдықталған орталық #АшықӘкімдік, #ХалықтықӘкімдік тұжырымдамаларына сай іске асқан. Бұл жүйе қала тұрғындарының жергілікті атқарушы органдарға келу қажеттілігін азайту және сыбайлас жемқорлықтың алдын алу мақсатында қарқынды жұмыс атқаруда.
Түркістан қаласы әкімі және әкімдіктің әлеуметтік желідегі ресми парақшаларына «109 — Бірыңғай Байланыс Орталығының» Instagram (@turkistan109), Telegram (Turkistan 109) WhatsApp (87071093109), Facebook (Turkistan Bailanys Ortalygy) парақшалары және «Amazing Turkistan» қосымшасы арқылы келіп түскен пікірлер ішіндегі өтінімдер тіркеліп, жауапты бөлімдерге жіберіліп, қызметке жүгінушіге жауап қайтарылуы немесе қажетті қызмет атқарылуы қамтамасыз етіледі.
Шағым-өтінімдер жарық, газ, жылу салалары бойынша ең жиі қолданылатын барлық әлеуметтік желі құралдары және тегін қоңырау шалу арқылы қабылдануда. Қабылданған өтінімдердің 25-30 пайызы дерлік түсініктеме-нақтылама жұмыстарын қажет етеді.
2020 жылдың 20 қарашасынан бастап іске қосылған жүйеде қазіргі таңда 10207 өтініш қабылданып, оның 10141-і шешімін тапқан. Қалған 66 өтінім бойынша тиісті жұмыстар атқарылып жатыр. Бұған қоса, әкімдік жұмысына алғыс айтып хабарласқандар да бар.
Әр тіркелген өтінім бойынша жауапты бөлімдер тарапынан уақытылы және толыққанды жауап берілу, қажетті шаралар атқарылу ақпараты жинақталып, нәтижесінде әкімдік қызметкерлері, бөлімдері және басшылығына халықпен кері байланыс және жұмыс сапасының көрсеткіштері айқындалады. Бұл ақпарат өз кезегінде әкімдік жұмысының осал тұстарына назар аудартып, жұмыс барысын жақсартуға септігі болады деп күтілуде.

Түркістан қаласы әкімінің баспасөз қызметі