Карантин кезінде орын алған қылмыстар саны едәуір азайған

Коронавирус инфекциясының таралуына байланысты Шымкент қаласында жарияланған төтенше жағдай режимі 2020 жылдың 16 наурыз сағат 00:00-ден 11 мамыр сағат 23:59-ға дейінгі аралықты қамтыды. Осы уақытта аталмыш департаментке шамамен 2000-ға жуық хабарлама келген.

Карантин кезінде орын алған қылмыстар саны едәуір азайған, — деп хабарлайды Шымкент қаласы Полиция департаментінің баспасөз қызметі. 

Бұл кезеңде полиция қызметкерлері күшейтілген жұмыс режимде жұмысын жалғастырып, талап пен жауапкершілік артты, профилактикалық жұмыс күшейтілді. Қала аумағында құқықбұзушылықтарды алдын алу және оған дер кезінде заңды шешім қабылдау мақсатында арнайы мониторинг тобы құрылды. Нәтижесінде жекелеген санаттар бойынша қылмыс саны былтырғы жылдың осы кезеңінде 1527 болса, биыл 689 қылмыс орын алған. Бұл сандық мәлімет қылмыстың -55,0 пайызға кемігенін көрсетіп отыр. Ұрлық фактісі былтырғы жылмен салыстырғанда 589 фактіге азайып, ұрлықтың кему пайызы -71,3 пайызды құраған. Құқықбұзушылық -49,1 % пайызға төмендеген. Былтыр құқықбұзушылық бойынша 1645 факт тіркелсе, ал биыл 840 болған. Тонау қылмысы 72,3 %-ға, ал бұзақылық -47,7 пайызға төмендеп отыр.

Жекелеген қылмыстарға тоқталсақ. Құқықбұзушылықтар былтыр 2498 болса, биыл 1517, яғни 981 жайтқа азайып, 39,3 пайызға азайған. Қылмыстар саны былтыр 2311 ал биыл 1290 істі құрап, өткен жылмен салыптырғанда -1021 іске азайып, -44,2 % төмендеп отыр. Полиция қызметкерлерінің атқарылған жұмыстың нәтижесінде халық арасында көп мазалайтын қылмыстар санаттары бойынша жақсы көрсеткіштерге қол жеткіздік. Атап айтқанда ұрлық бойынша да көрсеткіш бірден -61,0% пайызға азайған. Тонау фактілер былтыр 70 болса, биыл 21. Пайызға шаққанда -70,0 % төмендеген. Бұзақылық былтырғы жылмен салыстырғанда 52 іске азайып, төмендеу көрсеткіші -52,0% құрады.

Шымкенттегі бірқатар кәсіпкерлер мен еріктілер қалыптасқан төтенше жағдай кезінде кәсібінің кіріс табысы азайғанына қарамастан, індеттін алдын алуға өз үлестерін қосты. Атап айтсақ, Софья Лагода Васильевна қаладағы бұғаттау-бекеттерінде тұрған қызметкерге тамақ өнімдерімен қамтамасыз етті. Қоғамдық тәртіп пен қауіпсіздікті қамтамасыз етуге өз үлесін қосқан азаматтарды Қазақстан Республикасы Ішкі істер министрі полиция генерал-лейтенанты Ерлан Тұрғымбаев арнайы «Алғыс хат» беріп, олардың игі істеріне рақмет айтты.

Шымкент қаласының Полиция департаменті қызметкерлері алдағы уақытта да барлық қылмыс санының азаюына бар күшін салатын болады. Ол үшін тұрғындарға сапалы қызмет көрсетуді арттыру мақсатында полицейлердің материалдық-техникалық базасын жаңарту жұмыстарын жалғастырамыз.  Біздің басты мақсатымыз тұрғындардың қауіпсіздігін қамтамасыз ету. Осы бағытта Полиция департаменті әрқашан ашық әрі жариялы түрде жұмысын жалғастыра береді.