Шымкент қаласында карантин кезінде көлік құралдары мен адамдардың қозғалысын реттеу жұмыстары бұған дейін электронды нұсқаға алмастырылған болатын. Осыған сәйкес бүгінге дейін электронды жүйеге жалпы саны 113 мыңға жуық өтініш келіп түссе соның 85 мыңы қанағаттандырылып базаға тіркелген.
https://shym-karantin.kz/site/apply Осы сілтеме арқылы тіркелуге мүмкіндік бар.
Ал, 25 мың өтініш дұрыс емес толтырылғандықтан, базаға енбей қалып отыр. Сондықтан, электронды жүйеге өтініш бере алмаған немесе деректері қате толтырылған азаматтар мен көліктер үшін енді үш күн өтінімді қайта тапсыруға мүмкіндік бар. Әрмен қарай электронды базаға өтініш қалдыру тоқтатылып, тек тіркелген көліктер мен азаматтар ғана карантин кезінде қала ішінде жүре алады. Ал, тиісті өтінім қалдыру Шымкент қаласы әкімдігінің сайты арқылы, сонымен бірге «Атамекен» Ұлттық кәсіпкерлер палатасының Шымкент қалалық филиалының сайтында көрсетілген «Карантин 2020» қосымшасына кіру арқылы жүзеге асырылады. Ал, келіп түскен өтініштердің тиісті талаптарға сай немесе сай емес екендігін анықтап, өңдеу жұмыстарын қалалық кәсіпкерлік және индустриалды-инновациялық даму басқармасы жүргізетін болады. Бұл туралы Шымкент қаласы әкімінің орынбасары Мақсұт Исаховтың қатысуымен өткен баспасөз жиынында жан-жақты баяндалды.
