Шымкент қаласында 12 сәуірден бастап жауын-шашын болатындығы жөнінде алдын ала ескерту берілген болатын. Осыған сәйкес Шымкент қалалық төтенше жағдайлар департаментінің өрт сөндіру және құтқару бөлімшелері желіге түскен қоңыраулар бойынша Абай және Қаратау аудандарына екі мәрте шақыртуға шыққан. Мұнда сала мамандары екі көше бойында орналасқан үйлердің аулаларына жеткен суды шығару жұмыстарын атқарса, оған департамент тарапынан жалпы саны 20-ға жуық жеке құрам және 4 техника жұмылдырылған. Ал тиісті шаралар кезінде 200 текше метрден аса су шығарылып тұрғын үйлерді су шаю жағдайы тіркелмеген.
Сонымен бірге, қала аумағында су тасқынының алдын алу мақсатында «ЛТД-Тұрмыс» ЖШС-ның және жергілікті атқарушы органдарының мердігер мекеме қызметкерлері тарапынан ішкі орамдық және көше бойындағы ирригациялық арықтарды қоқыс қалдықтарынан тазарту жұмыстары тұрақты жүргізілуде. Бұл туралы Шымкент қалалық ТЖД бастығы Нұрболат Дербісов мәлім етті. Сонымен бірге департамент басшысы көктемгі мезгілде қала аумағын жауын -шашын салдарынан су басу қауіпі жоқ екендігін жеткізе отырып төтенше жағдайлардың алдын алу мақсатында әрбір қала тұрғыны өз аумақтарында ирригациялық және үй ішілік арықтарды қоқыстан тазалау жұмыстарына ат салысуы қажет деп санайды.
85 ГРАММ АЛТЫН: ҚҰРБАНДЫҚ ШАЛУ КІМГЕ МІНДЕТ?
Кейбірі сауап үшін мал сояды, енді бірі оны міндет деп түсінеді. Алайда Құрбан айттың шынайы мәні неде? Арафа күні неліктен...
