Еріктілер блок-бекеттерде тұрған азаматтарға кешкі ас берді

Қазір Қазақстан да әлемнің басқа елдері сияқты қиын кезеңді бастан өткеріп жатыр. Осынау қиын сәтте адамзаттың көмек беру, түсіністік пен мейірімділік, сенім, парыз сияқты қарапайым адами қасиеттерге зәру екені ақиқат.
Осыны ескерген Отырар ауданының ерікті жастары мен кәсіпкерлері ауданға кіре беріс бақылау-өткізу бекеттерінде қызмет көрсетіп тұрған полицейлер мен дәрігерлерге кешкі ас жеткізіп берді, — деп хабарлайды Қазығұрт ауданы әкімінің баспасөз қызметі.

Күндіз-түні халықтың тыныштығы мен қауіпсіздігін күзетіп жүрген жандардың еңбегі зор. Жалпы аудандағы Түркістан-Шәуілдір, Шымкент-Шәуілдір бағытындағы күре жолдарға блокбекеттер қойылған. Аталған бекеттерде дәрігерлер мен ішкі істер саласының қызметкерлері сырттан келетін азаматтарды бақылауға алып, азаматтардың дене қызуын тексеруде. Мамандардың айтуынша әзірге дене қызуы жоғары азаматтар тіркелген жоқ.
Дәргерлер мен полиция қызметкерлері өздерінің қолдарынан келгенше көмек беруге ниеттенген ерікті жастарға ризашылықтарын білдіріп, алғыстарын айтты.