«Dala fruit» компаниясы 28 наурызда Түркістан және Тараз қаласының тұрғындары үшін өз өнімін жіберді. Иә, соңғы кезде көкөніс пен азық-түлік бағасының шарықтауы халықтың қалтасына ауыр тигізгені бар. Елімізде енгізілген төтенше жағдай салдарынан бірқатар өндіріс орындарының жұмысы тоқтатылып, базарлар да арнайы режимде жұмыс жасауда. Монополистердің бағаны көтеріп алуы әп-сәтте сезілді. Ал, қоймадағы өнімін белгіленген нормада Қазақстанның барлық өңірлеріне жіберіп отыратын «Dala fruit» ЖШС кезекті партиясын Түркістан және Жамбыл облысының тұрғындары үшін қолжетімді болуына септігін тигізді.
Дана қазақ қашан да, қыстың қамын жазда ойлаған. Жуанның жіңішкеріп, жіңішкенің үзілетін кезеңіне барын сақтап келген. Шындығында, бұрнағы жылдары бұл уақыттарда шетел асып келген азық-түлік пен көкөніске тәуелді болып отыратынбыз. Міне, өзгеге тәуелді болмай, отандық өнімнің рахатын көретін кез келді. Сондықтан, шағын және орта бизнесті дамытуда ауыл шаруашылығындағы осындай бағыттарды қолға алсақ, еліміздің экономикасын көтеруге негіз болады.
Дүни жүзін шарлаған вирустан әлем елдері де экономикалық қысым көріп отыр. Жұмыс орындары тоқтады. Үйде отыру міндеттелді. Барлығы да адамзатқа төнген айтып келмес қауіп-қатерден аман алып қалуды көксейді. Осындай кезеңде бүгіп қалмай, халықтың қажеттілігі үшін барын беріп жатқан кәсіпкерге, әрине алғыстан басқа айтырымыз жоқ. Болатбек Нәжіметдинұлының бұл еңбегі елдің қамы мен болашақтың бақыты үшін. Тосыннан төнген аурудан сақтасын. Лайым, аман болайық!
Ендеше, көктемдік табиғи дәруменнің дәмін «Dala fruit» алмаларынан қолжетімді бағада алыңыз!