Шымкент қаласының 2019-2021 жылдарға арналған бюджетін нақтылау бойынша баспасөз брифингі өтті

         Шымкент қаласының 2019 жылға арналған бюджеті Бюджет кодексінің 106, 111 бабтарына сәйкес  нақтылануда.

         ҚР Үкіметінің 2019 жылғы 9 шілдедегі, 23 қыркүйектегі №490,№701 Қаулыларына сәйкес, 2019-2021 жылдарға арналған республикалық бюджетке өзгерістер енгізілді. Оның ішінде негізгілері:

• Мемлекеттік атаулы әлеуметтік көмекті төлеуге 10 981,3 млн. теңге;

• Жұмыс істейтін жастар үшін тұрғын үй салуға (304 пәтер) 2 160,0 млн.теңге және тұрғын үй сатып алуға (600 пәтер) 4 320,0 млн.теңге;

• Жастар практикасына және жаңа бизнес идеяларын іске асыруға мемлекеттік гранттар беруге 2 020,0 млн. теңге;

• Жұмыспен қамту бағдарламасын жүзеге асыруға 1 111,3 млн.теңге;

• Азаматтық және мемлекеттік қызметшілердің жекелеген санаттарының жалақысын арттыруға 778,3 млн. теңге;

• Көп балалы және аз қамтылған отбасылардың балалары үшін жоғары білімі бар маман даярлауға мемлекеттік білім беру тапсырысын орналастыруға 111,4 млн.теңге;

• Жұмыс біліктілігі бойынша техникалық және кәсіптік білім беру ұйымдарында оқитындарға стипендияны ұлғайтуға 106,4 млн. теңге;

• Орта білім беру ұйымдарын жан басына шаққандағы қаржыландыруға — 732,1 млн.теңге.

Сонымен қатар, 2019 жылғы қала бюджетінің атқарылуына талдау жүргізіліп, кірістердің жоспарына ішінара өзгерістер енгізілді.

         Одан бөлек, бағдарлама әкімшілерінің үнемделген және игерілмеу қауіпі бар қаржыларын қайта бағыттау есебінен бірқатар бірінші кезектегі шығындарға қосымша қаржылар қаралды. Олар:

         — Мүгедектерді қажетті құрал жабдықтармен қамтамасыз етуге — 200,0 млн теңге;

— Қоғамдық жұмыстарды ұйымдастыруға 140,3 млн.теңге;

         — Тұрғындардың жекелеген санаттарына амбулаториялық деңгейде дәрілік заттармен тегін қамтамасыз етуге 81,0 млн. теңге;

         Мүгедектерге медициналық әлеуметтік қызмет көрсететін мекемелердің күтіп ұстау шығындарына — 90,8 млн.теңге;

         — Ішкі орамдық жылу жүйелерінің ағымдағы жөндеу және қымтау жұмыстарына  400,0 млн.теңге;

          — 7 көшедегі орташа жөндеу жұмыстарын аяқтауға                 176,8 млн.теңге;

         — Қаладағы 3 тұрғын-үйдің сейсмикалық нығайту жұмыстарын аяқтауға 77,4 млн.теңге;

         — «Шымкент сити» орталығындағы 504 пәтерлі 8 коммуналдық тұрғын үйдің құрылысын аяқтауға 1 171,3 млн.теңге;

         — Достық мөлтек ауданынан Сыпырған ата көшесі арқылы Темірлан тас жолына дейін магистралды су өткізгіштің құрылысын аяқтауға 300,0 млн.теңге;

         — Сайрам тұрғын алабы Тассай бөлімшесіндегі газ жүйелерінің және Нұрсат шағын ауданындағы «Бахыт» тұрғын үй кешенінің инженерлік-инфрақұрылымының құрылысын аяқтауға 126,2 млн. теңге;

         — Айкөл және Ақжар елді мекеніндегі ауыз су жүйелерінің құрылысын аяқтауға 143,3 млн. теңге;

         Нәтижесінде, қала бюджетінің көлемі 215,7 млрд.теңгеден 237,1 млрд.теңгеге дейін артатын болады (өсім 21,4 млрд. теңге).

        Шымкент қаласы әкімінің баспасөз қызметі