Солтүстiк Қазақстан облысы — жұмыс күшi көп өңiрлерден азаматтарды көшiру жобасы жүзеге асып жатқан жалғыз аймақ. Бұның барлығы 3 жылдық кешендi жоспардың арқасы. Қоныс аударушыларға жалдамалы баспана мен жұмыс берiледi, жеке кәсiбiн ашуға болады. СҚО әкiмi Құмар Ақсақалов өңiрге көшiп келiп баспанаға ие болған отбасылармен кездестi, деп хабарлайды Солтүстік Қазақстан облысы әкімінің баспасөз қызметі.
«Жұмыс күшiн облысқа тарту бойынша жұмыс жүргiзiлуде. Бiзге дәрiгерлер, мұғалiмдер, механизаторлар, жүргiзушiлер, тракторшылар керек. Жыл басынан берi 1600 адам немесе 518 отбасы келдi», — дедi Құмар Ақсақалов.
