Түркістанда «Nur Otan» партиясы Түркістан облыстық филиалының ұйымдастыруымен Конституция күніне арналған мерекелік шара өтті. Бұл туралы «Nur Otan» партиясы Түркістан облыстық филиалының баспасөз қызметі хабарлады. Мерекелік шараны «Nur Otan» партиясы облыстық филиалы Төрағасының бірінші орынбасары Бейсен Тәжібаев ашқан.
«Сіздерді еліміздің ең маңызды мерекесі — Конституция күнімен құттықтаймын! Осыдан жиырма төрт жыл бұрын, тамыздың 30-да Қазақстан халқы тарихи шешім қабылдап, еліміздің Конституциясы бекітілді. Осынау аз уақыт ішінде Қазақстанның Ата заңы өзінің заман талабына лайықты екенін дәлелдеді. Тәуелсіздігімізді тұғырлы етіп, мемлекетіміздің бүгіні мен болашағын баянды етті», деген партия филиалы Төрағасының бірінші орынбасары партия қатарына жаңадан қосылған азаматтарға салтанатты түрде партия билеті мен төсбелгіні табыстады.
Сонымен қатар, Бейсен Тәжібаев «Nur Otan» партиясы Түркістан облыстық филиалы атынан партия жұмысын ілгерілетуге үлесін қосқан белсенді қызметкерлер мен азаматтарға арнайы алғыс хат табыстады.
Мерекелік кешке арнайы келген Ауған соғысының ардагері Кошкимбаев Ергентай, облыстық «Жас Отан» жастар қанатының кеңесшісі Жүрсін Нұрболат жиналған көпшілікті құттықтап сөз сөйледі.
Шараға жиналған көпшілікке балалар хоры мен облыстың күміс көмей әншілері өнер көрсетсе, көрермендер Ата Заң күнінен ерекше әсер алғандарын жеткізді.
