ҚР Премьер-Министрі Асқар Мамин ҚР Еңбек және халықты әлеуметтік қорғау министрлігінің ұжымына жаңа министр Біржан Нұрымбетовты таныстырды, деп хабарлайды primeminister.kz.
ҚР Үкіметінің басшысы Бердібек Сапарбаевқа қазақстандықтардың әлеуметтік әл-ауқатын жақсартуға қосқан үлесі үшін алғыс білдірді. Оның басшылығымен Еңбек және халықты әлеуметтік қорғау министрлігі ҚР Тұңғыш Президенті — Елбасы Нұрсұлтан Назарбаевтың және Мемлекет басшысы Қасым-Жомарт Тоқаевтың әлеуметтік саланы жаңғырту бойынша қойған міндеттерін шешуге қатысты жүйелі жұмысты ұйымдастырды.
Жаңа министрді таныстыру кезінде Асқар Мамин Біржан Нұрымбетовтың әлеуметтік саладағы 20 жылдық жұмыс тәжірибесін атап өтті.
Біржан Бидайбекұлы 1968 жылы 19 наурызда туған. Әл-Фараби атындағы Қазақ мемлекеттік университетін «Механика және қолданбалы математика» мамандығы бойынша және Алматы экономика және статистика академиясын «Қаржы» мамандығы бойынша бітірген. Еңбек жолы: 1993 – 1996 жылдар аралығында – Жамбыл қаласы бойынша салық инспекциясының салық инспекторы, бөлім бастығы;
1996 жылы – Жамбыл облысы әкімінің бірінші орынбасарының кеңесшісі;
1997 жылы – Жамбыл облысы әкімі аппаратының сектор меңгерушісі;
1997 – 2008 жылдар аралығында – «Зейнетақы төлеу мемлекеттік орталығы» РМКК Жамбыл облысы бойынша филиалының директоры;
2008 – 2009 жылдар аралығында – ҚР Еңбек және халықты әлеуметтік қорғау министрлігінің Бақылау және әлеуметтік қорғау комитетінің төрағасы;
2009 – 2012 жылдар аралығында – ҚР Еңбек және халықты әлеуметтік қорғау вице-министрі;
2012 – 2015 жылдар аралығында – ҚР Премьер-Министрі Кеңсесі Басшысының орынбасары;
2015 – 01.2017 жылдар аралығында – ҚР Денсаулық сақтау және әлеуметтік даму вице-министрі;
2017 – 12. 2017жылы – ҚР Еңбек және халықты әлеуметтік қорғау вице-министрі;
2017 жылғы желтоқсаннан – ҚР Кәсіподақтар федерациясы төрағасының бірінші орынбасары қызметін атқарды.
