«Nur Otan» партиясы Төрағасының бірінші орынбасары Бауыржан Байбектің бұйрығымен Бейсенбай Тәжібаев «Nur Otan» партиясы Түркістан облыстық филиалы төрағасының бірінші орынбасары қызметіне тағайындалды.
Бейсенбай Дәулетұлы1982 жылы туған, білімі жоғары, мамандығы журналист, құқықтанушы.
Еңбек жолын 2002 жылы Шымкент қаласында «Шымкент келбеті», «Панорама Шымкента» газеттерінің тілшісі ретінде бастаған. 2005-2017 жылдары Қазақстан Республикасы «Қазақстан Республикалық телерадиокорпорациясы» АҚ Оңтүстік Қазақстан облыстық филиалының редакторы, Оңтүстік Қазақстан облысы әкімі аппараты баспасөз қызметінің басшысы, Оңтүстік Қазақстан облыстық «Оңтүстік Қазақстан» қоғамдық-саяси газетінің редакциясы» МКК-нің директор — бас редакторы, «Айқын-Литер» ЖШС «Айқын» газетінің Астана қаласындағы тілшілер қосынының жетекшісі, «Елордалық «Астана» журналы» ЖШС Бас редактор, Оңтүстік Қазақстан облысы әкімі аппараты баспасөз қызметінің басшысы-баспасөз хатшысы, Түркістан облысы әкімі аппараты баспасөз қызметінің басшысы-баспасөз хатшысы лауазымдарын атқарған. Бүгінгі күнге дейін Түркістан облыстық Ішкі саясат басқармасы басшысы лауазымында қызмет етіп келді.
