Шымкент қалалық сотында Қазақстан Республикасының Президенті Қ.Тоқаевтың 2019 жылдың 17 шілдесіндегі №64 «Қазақстан Республикасының судьяларын, сот алқаларының төрағаларын және төрағаларды тағайындау және қызметтерінен босату туралы» Жарлығына сәйкес қайтадан тағайындалған судьялардың салтанатты таныстыру жиыны өтті.
Бахтияр Патшаханович Насридинов Павлодар облыстық сотының судьясы қызметінен босатыла отырып, Шымкент қалалық сотының судьясы болып тағайындалды.
Малик Алмазұлы Майсаканов Павлодар қалалық сотының судьясы қызметінен босатыла отырып, Шымкент қаласының мамандандырылған ауданаралық экономикалық сотының төрағасы болып тағайындалды.
Шымкент қаласының мамандандырылған ауданарық экономикалық сотының судьясы қызметіне Ерлан Тұрысбекұлы Сералиев Кентау қалалық сотының төрағасы қызметінен босатылып, Гүлвира Жанахметқызы Жолбарыс Түркістан облысының мамандандырылған ауданаралық экономикалық сотының судьясы қызметінен босатылып, Әсем Үсенқызы Қапарбекова Шымкент қаласының Еңбекші аудандық сотының судьясы қызметінен босатыла отырып тағайындалды.
Дәурен Тусюпханович Сайханов Қарағанды облысының кәмелетке толмағандар істері жөніндегі мамандандырылған ауданаралық сотының төрағасы қызметінен босатыла отырып, Шымкент қаласының кәмелетке толмағандар істері жөніндегі мамандандырылған ауданаралық сотының төрағасы болып тағайындалды.
