Шымкенттік делегация Ходженд қаласында мерекелік шеруге қатысты

Ұлы Отан соғысына биыл 74 жыл. 1941-1945 жылдары орын алған сұрапыл кезең ешкімнің жадынан өшпек емес. КСРО xалықтарының қару асынып қан майданға аттануы нағыз жүректілік. Олар елін, туған жерін, отбасын аман сақтап қалу жолында өмірлерін қиды. Ал Кеңес әскері қатарына қабалданданғандар қатарында Тәжікстан елінің азаматтары да болды. Талай жанның өмірін жалмаған кезеңнің соңы жеңіспен аяқталғаны ерекше, ұмытылмайтын қуаныш.

Мереке қарсаңында, xалықтар арасында сан түрлі іс-шаралар ұйымдастырылады. Сол секілді, Тәжікстан елінің Ходженд қаласында да 9 Мамыр-Жеңіс күніне орай кең көлемде іс-шара өткізілді. Шымкенттік қоғамдық делегация аталған маңызы зор шеруге қатысты. Бүгінгі бейбіт күнге ұрпақтарын жеткізген батырларға мың тағзым.

Кең көлемде ұйымдастырылған мерекелік шара Соғды облысының төрағасы Раджабоя Аxмадзода және Ходженд қаласының төрағасы Маруф Муxаммодзодалардың қатысуымен өтті. Мерекелік шара барысында Түркістан облысы мәслиxатының депутаты, «Айғақ» Телерадиокомпаниясының» басшысы Дулат Әбіш Соғды облысының төрағасының иығына шапан жапты. Шымкенттен шыққан қоғамдық делегация құрамында Елбасының курстасы, КСРО Мемлекеттік сыйлығының иегері, Шымкент қаласының «Құрметті азаматы» Аманәлі Әбдіраманов, Оңтүстік Қазақстан облысының «Құрметті азаматы», «Құрмет» орденінің иегері, мегаполис тұрғыны Әтірхан Шыңғысбаев, жазушы Оралхан Бөкейдің досы, тыл еңбеккері Нұрахмет Шабатаев, өнертанушы Бегалы Рысбеков, Дүниежүзі қазақтарының қауымдастығы Шымкент қаласы бойынша филиалы жетекшісінің орынбасары, Қатон-Қарағай ауданының «Құрметті азаматы», меценат Ғани Шаймарданов және имам Орал Қайсар бар.

Соғды облысында бүгінде 73, Ходженд қаласында 3 ардагер бар. Іс-шарадан соң Соғды облысының төрағасы Шымкенттен арнайы келген қоғамдық делегатқа Тәжікстан Республикасы Президентінің атынан алғыс білдірді.

Естеріңізге сала кетейік, Шымкент мен Ходженд — бауырлас қалалар. Осыған орай, Тәжікстан Республикасына арнайы келген болатынбыз. Бұл сапар екі елдің достастығын, ынтымақтастығын насиxаттайды. Ал, аталмыш жобаның авторы әрі делегация жетекшісі — Түркістан облыстық мәслихатының депутаты, Қазақстан халықтары Ассамблеясының мүшесі, Дүниежүзі қазақтарының қауымдастығының Шымкент қаласы және Түркістан облысы бойынша филиалының жетекшісі Дулат Әбіш.

Жалпы Ходжендтегі көрсетілген құрмет үшін ең алдымен Қазақстан Республикасының Ходженд қаласындағы Консулы Әділхан Мәліктің еңбегін ерекше айтып, алғыс білдіреміз.