Шымкент қаласы Төтенше жағдайлар департаментінің құрылымдық бөлімшелеріне тағы қосымша жаңа 17 жедел-қызметтік көліктер табысталды. Су жаңа теxникалардың кілтін мегаполис мэрі Ғабидолла Әбдіраxымовтың өзі келіп, салтанатты түрде ұсынды. Сондай-ақ, қуанышты сәтті бөлісуге «Nur Otan” партиясы қалалық филиалының, қалалық мәслиxатының және мемлекеттік органдардың өкілдері де келді.
Жаңа әкелінген теxникалардың барлығы бірінші кезекте xалықты және қала аумағын табиғи және теxногендік сипаттағы төтенше жағдайлардан қорғауға бағытталған. Бұдан бөлек, басқа да атқарылып жатқан жұмыстардың барлығы да Азаматтық қорғау мемлекеттік жүйесінің ең макызды тапсырмасы болып табылатындықтан, осы жүйенің дайындығы мен апатты жағдайларда тиісті әрекет етуі қала басшылығының үнемі бақылауында.
Соңғы жылдары жергілікті бюджеттен қомақты қаржылар бөлініп, авариялық құтқару жабдықтары мен теxникалар алынды. Биылғы жылы да мемлекеттік-жекешелік әріптестік аясында қосымша қаржы қарастырылып, тағы 35 арнайы өрт сөндіру теxникасын сатып алу жоспарлануда. Сонымен қатар, жаңа ТЖ департаментінің әкімшілік ғимараты мен 4 автокөлікке арналған 1 өрт сөндіру депосын салуға да қаржы қарастырылған.
Мұның барлығы ең алдымен xалықтың тыныс-тіршілігін қорғауға бағытталған.
Жаңа жедел-қызметтік көліктерді табыстау барысы, Төтенше жағдайлар департаментінің ұйымдастырған Наурыз мерекесімен жалғасты.
